چوار شه‌ممه‌ 13 تشرینی دووه‌م 2019
ماڵەوە / سیاسی / رفاندنی دەیان هاوڵاتیی كورد لە شاری بەغدا

رفاندنی دەیان هاوڵاتیی كورد لە شاری بەغدا

رێگریكردن لە هاووڵاتییانی كورد لە بازگەكانی شاری بەغدا و شەڕ پێفرۆشتن و دەستگیركردن یان رفاندنیان خەریكە لە حاڵەتەوە دەبێتە دیاردە، تا ئێستە دەیان هاووڵاتیی كورد لەلایەن چەكدارانی نەناسراوەوە رفێنراون و بەشێكیان لە بەرامبەر بڕێك پارە ئازاد كراون و دەیان هاووڵاتیش تا ئێستە بێ سەروشوێنن.

ئەفسەرێكی كوردی سپای عێراقی كە نەیویست ناوی ئاشكرا بكرێت لەوبارەوە بە باس نیوزی راگەیاندووە كە، هەرچەندە پێشتریش ئەو جۆرە حاڵەتانە هەبووە، بەڵام لەو كاتەوەی شەڕی داعش و سپای عێراق دەستی پێ كردووە، بەشێك لە هێزە تایبەتەكانی شاری بەغدا شەڕ بە هاووڵاتییانی كوردی دانیشتووی ئەو شارە دەفرۆشن، رۆژانە چەندین هاووڵاتیی كورد رێگرییان لێ دەكرێت بێنە ناوشاری بەغدا و بەناچاری دەگەڕێنەوە باشووری كوردستان.
ناوبراو وتووشیەتی، كە ماوەی چەند رۆژێكە لەگەڵ نزیكبوونەوەی چەكدارانی داعش لە فڕۆكەخانەی بەغدا، حاڵەتی رێگریكردن لە هاووڵاتییانی كورد و شەڕ پێفرۆشتنیان لە بازگەكانی ناوەخۆ و دەرەوەی شار، زۆر زیادی كردووە.
سەبارەت بەو پرسە، شاخەوان عەبدوڵا ئەندامی لیژنەی ئاسایش و بەرگری لە ئەنجومەنی نوێنەرانی عێراق وتوویەتی: ‘ئەو حاڵەتە ماوەیەكە لە شاری بەغدا و چەند ناوچەیەكی تریش بەدی دەكرێت، هاووڵاتییانی كورد لەلایەن لیواكان و لە بازگەكانی هێزە تەناهییەكانی عێراق دادەگیرێن و ناڕەحەت دەكرێن، دواتر لە بەرامبەر بڕێك پارە ئازاد دەكرێن، بۆ ئەمەش بەڵگەی زۆر هەن لە نموونەی قوتابییانی خانەقین’.
ئەوەشی وت ‘دیكیۆمێنتی چەند كارمەندێكی هێزە تەناهییەكانی عێراقم لەلا هەیە كە دەڵێن، ئێمە فەرمانمان پێ كراوە هەرچی هاووڵاتیی كورد هەیە لە بازگەكان دابگرین و ناڕەحەتیان بكەین’.

ئەمەش لەحاڵێكدایە كە، حەیدەر عبادی لەو بارەتە ئاگادار كراوەتەوە و ئەویش بەرپرسیاریەتی ئەو كردەوەیە خستووەتە ئەستۆی نووری مالكی.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.