چوار شه‌ممه‌ 20 تشرینی دووه‌م 2019
ماڵەوە / کوردستان / هێرشەكانی داعش لە باشووری كوردستان لە زۆر شوێن شكستیان هێناوە

هێرشەكانی داعش لە باشووری كوردستان لە زۆر شوێن شكستیان هێناوە

شەوی رابردوو و بەرەبەیانی ئەمڕۆ گرووپی چەكدارانی داعش لە چەندین میحوەرەوە، هێرشییان كردە سەر بەرەكانی پێشەوەی هێزەكانی پێشمەرگەی كوردستان و بەپێی ئەو هەواڵانەش كە ئەمڕۆ بڵاو كرایەوە، لە زۆربەی میحوەرەكان داعش دووچاری شكست بووەتەوە.

دەوترێ دوای ئەوەیكە چەكدارانی داعش، ڕەوشی كەشوهەوایان بە دەرفەت زانی بۆ هێرش كردنە سەر هێزەكانی پێشمەرگە. لە سەعات 3ی بەرەبەیانی ئەمڕۆ (2014-10-20) چەكدارانی داعش یەكەمین هێرشی خۆیان بۆ سەر هێزەكانی پێشمەرگە دەستی پێكرد و دواتر لە كاتژمێر 6ی بەیاننیەوە هێرشەكانیان فراوانتركرد و لە تەواوی میحوەرەكانی بەرەكانی  جەنگ هێرشیان كرد. لەئەنجامی هێرشەكانیان دا بە تووندی لەلایەن هێزەكانی پێشمەرگه،‌ بەرپەرچ دراونەتەوە و زیانێكی گیانی زۆریان پێگەیشتووە و ئێستاش نزیك بە 35 تەرمی چەكدارانی داعش لە نەخۆشخانەی موسڵن كە تایبەت بە شەڕەكانی دوێنێ شەو و ئەمڕۆن.

بەگوێرەی زانیاریەكانی باسنیوز، تا ئامادەكرندی ئەم هەواڵە لە هەندێ میحوەردا شەڕ كۆتایی هاتووە و هێرشەكانی داعش بە تەواوەتی پووچەڵ كراونەتەوە‌، لەهەندێك میحوەریش شەڕ بەردەوامە.

ئەمە لەحاڵێكدایە كە شەوی رابردوو چەكدارانی داعش هێرشیان كردە سەر چیای شەنگال، بەڵام لە لایەن هێزی پێشمەرگە و گریلاوە بە توندی وەڵام درانەوە و هێرشەكەیان تێكشكێندرا.

بابەتی هاوپۆل

تۆپباران کردنی بنکەکانی کۆمەڵە لە سەر سنوور

رژیمی کۆماری ئیسلامی بنکەکانی کۆمەڵەی زەحمەتکێشانی کوردستان لە سەر سنووری بۆردمان کرد. بە پێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.