هه‌ینی 15 تشرینی دووه‌م 2019
ماڵەوە / ئێران / ساڵانە بە سەدان میلیۆن لیتر مەشرووباتی ئەلكولی لە ئێران دەخورێتەوە

ساڵانە بە سەدان میلیۆن لیتر مەشرووباتی ئەلكولی لە ئێران دەخورێتەوە

گرووپی لێكۆڵینەوە و لێكدانەوەی هەواڵنێریی حكومەتی ئیرنا رۆژی شەممە 26ی مانگی رەزبەر لە راپۆرتێكدا باسی لەوە كردووە كە، ساڵانە لە ئێران پتر لە 200 میلیۆن لیتر مەشرووبی ئەلكولی لە ئێران دەخورێتەوە.

حسێن تامینی لیچایی جێگری سەرۆكی كومیسیۆنی بێهداشت و دەرمانی مەجلسی ئێران وتی، لەم دواییانە دەركەوتووە كە بەكارهێنانی مەشرووبی ئەلكولی لە هەندێ ناوچەی ئێران پەرەی سەندووە و ساڵانە پتر لە 200 میلیۆن لیتر مەشرووب دروستكراوی ناوخۆ و بە قاچاخ هێنراوی دەرەوەی وڵات لەو وڵاتە بەكاردەهێنرێت.

بە وتەی ناوبراو لەسەدا 30 بەركارهێنەرانی مەشرووبی ئەلكولی لە ئێران ژنان پێكی دەهێنن و لەسەدا 70 یشی پیاوان.

ئیسماعیل ئەحمەدی موقەدەم فەرماندەی هێزە ئینتزامییەكانی ئێران لە ساڵی 91ی هەتاوی وێڕای ڕەخنە گرتن لە ئاماری 200 هەزار كەسی گیرۆدەبووان بە ئەلكول لە ئێران، باسی لە نزیك بە 130 هەزار نەفەر گیرۆدە بەو خواردنەوەیە كردبوو.

ماوەی 13 ساڵە دامەزراوەیەك بە ناوی “ئەنجومەنی ئەلكولیە ونبووەكان” “ئەی ئەی” دروست كراوە كە ئێستاكە 15 هەزار ئەندامی هەیە و هەموویان لە هەوڵی وازهێنان لە گیرۆدەبوونی خۆیان بە مەشرووبن و زیاتر لەسەدا 80ی ئەو كەسانەی كە لەهەوڵی وازهێنان لە مەشرووبی ئەلكولین، تەمەنیان لە نێوان 15 بۆ 25 ساڵدایە.

كۆماری ئیسلامی ئێران پاش هاتنە سەر دەسەڵات لە ساڵی 1357ی هەتاویی خواردنەوەی ئەلكولی بە تەواوەتی قەدەغە كرد و وەكوو كردەوەیەكی دژە شەرعی ناودێری كرد و لە بەرانبەریشدا سزای توندی بۆ ئەو بابەتە دیاری كردووە.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.