سێ شه‌ممه‌ 4 تشرینی یه‌كه‌م 2022

دەرمانی هەڵە گیانی چەند زیندانی لە ورمێ دەخاتە مەترسیەوە

لە ماوەی چەند هەفتەی رابردوودا بە شێوەیەكی بەرچاو ڤیرووسی ئانفۆڵانزا لە نێو زیندانی ناوەندیی شاری ورمێ پەرەی سەندووە و بێهداری نێو زیندانیش بە شێوەی هەڵە دەرمان دەداتە زیندانیە نەخۆشەكان و ئەمەش كێشەكەی قووڵتر كردووەتەوە.

بە پێی راپۆرتی كۆمەڵەی مافی مرۆڤ لە ئێران، پەرەسەندنی نەخۆشی ئانفۆڵانزا لە نێو زیندانیان لە زیندانی ناوەندیی ورمێ(دەریا) بووەتە هۆی ئەوەیكە زۆرێك لە زیندانیان سەردانی بێهداری بكەن و بە هۆی دانی دەوراودەرمانی خراپ بەو زیندانیانە ئێستا 8 كەسیان دەست و پێیان لە جووڵە كەوتووە.

ناوی سێ كەس لەو زیندانیانە بەم چەشنەیە: جەهانگیر زادە، عەلی بەخشی و مۆجتەبا كەهریزی كە لە نێو بەندی زیندانیانی ئاسایدان و تا ئێستا چارەسەرییەكی گونجاویان بۆ نەكراوە و ئێستا دەست و پێیان پەكی كەوتووە و جووڵە ناكات.
تا ئێستا بە تەواوەتی ئاشكرا نەبووە كە هۆكاری دانی دەرمانی خراپ و هەڵە بە شێوەی ئەنقەست بووە یان بە رێكەوت و دیاریش نیە پەك كەوتوویی ئەو زیندانیانە چارەسەر دەكرێ یان نە.

شایانی باسە، زیندانی ناوەندیی ورمێ یەكێك لەو زیندانانەی ئێرانە كە 45 زیندانی سیاسی تێدایە و 10 كەسیشیان حوكمی ئێعدامیان بەسەردا سەپاوە.

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.