هه‌ینی 22 تشرینی دووه‌م 2019
ماڵەوە / ئێران / ئێران هەڕەشە و هوشداری دایە پاكستان و عەرەبستان و دەستێوەردانی عێراق دەكات

ئێران هەڕەشە و هوشداری دایە پاكستان و عەرەبستان و دەستێوەردانی عێراق دەكات

فەرماندەی سپای پاسدارانی كۆماری ئیسلامی ئێران وتی: ئەگەر پاكستان بەڵێنەكان سەبارەت بە سنوورەكانی خۆی لەبەرچاو نەگرێ، ئێران خۆی رێكاری پێویست دەگرێتە بەر و بەرەوڕوو بوونەوە لەگەڵ بە وتەی ئەو خراپكارەكان(ئەشرار) هیچ سنوورێك بۆ ئێرن ناهێڵێتەوە و ئەگەر پێویست بكات دەڕۆینە نێو خاكی دراوسێیەكانمان.
حسێن سەلامی بە جەخت كردنەوە لەسەر ئەوەیكە ئێمە لەسەر دەستێوەردان لە كاروباری هیچ وڵاتێك نین، وتی: بەڵام ئەگەر پێویست بكات و دراوسێیەكانمان بەڵێنەكان لەبەرچاو نەگرن خۆمان دەڕۆینە نێو گۆڕەپانەكەوە.
ئەمەش لەحاڵێكدایە كە لە ماوەی یەك كەمتر لە 10 رۆژی رابردوو 15 كەس لە هێزە ئینتزامیەكانی كۆماری ئیسلامی لە پارێزگای سیستان و بەلوچستان هەڵكەوتوو لە سەر سنووری پاكستان كوژراو و بریندار بوون.

هەروەها لە لایەكی دیكەوە كۆماری ئیسلامی سەبارەت بە ئێعدام كردنی شێخ نەمرئەلنەمر رووحانی شیعەی لە عەرەبستان كە بە تۆمەتی هاوكاریی لەگەڵ ئێران دەستبەسەر كراوە، هوشداری داوەتە ئەو ولاتە و رایگەیاندووە كە، ئەگەر ئەو كردەوەیە بڕواتە قۆناغی جێبەجێ كردنەوە، عەرەبستان دەبێ چاوەڕوانی بەدواهاتەكانی ئەو كردەوەیە بێت.
حسَن ئەمیر عەلدوڵڵاهیان جێگری عەرەبی ئافریقایی وەزارەتی دەوەری كۆماری ئیسلامی ئەو “شێخ نەمرئەلنەر”ی وەكوو رێبەری شیعەكانی عەرەبستان ناولێبردووە و وتوویەتی: ئەگەری دەركردنی حوكمی ئێعدام بۆ ناوبراو راست بێت، ئەوە هەستی موسڵمانە شیعەكان بریندار دەبێت و بەدواهاتی جیهانیی لێ دەكەوێتەوە.
ئەمەش لەحاڵێكدایە كە پەیوەندییەكانی نێوان ئەو دوو وڵاتە زۆر خراپە و چەندین جاریش كاربەدەستە باڵاكانیان بەرانبەر بە یەكتر هەڵوێستی توندیان گرتووە.
لە لایەكی دیكەشەوە فەرماندەی گشتی سوپای قودسی ئێران باس لە شەڕی ناوبەغدا دەكات و ئەمەریكا تۆمەتبار دەكات بە بڵاوكردنەوەی ئەو دەنگۆیە .

قاسم سلێمانی بەرپرسی سپای قودسی ئێران لە لێدوانێكدا بە هەواڵنێرییە حكومەتیەكانی ئێران راگەیاندووە كە، بەهەمووشێوەیەك پشتیوانی لە ئاسایشی بەغدا دەكرێت و نزیك كەوتنەوەی داعش لە بەغدا هەڵایەكی ڕاگەیاندنیە و ڕاست نیە.
نانوبراو وتیشی: ‌دەزگا ڕاگەیاندنەكانی ناوخۆی ئەمەریكا دەستیان داوەتە بڵاو كردنەوەی هەواڵ و ڕاپۆرتی ناڕاست بەوەی داعش ڕوو لە بەغدایە و كەوتۆتە ژێر دەستی داعشەوە‌. بەڵام ئێران نایەوێت بەغدا بكەوێتە دەست داعش

بابەتی هاوپۆل

کشتە شدن نمایندە سابق لردگان

وند سید علی حسینی زاده معروف به سید صفدر شاغل در اداره ارشاد و تبلیغات …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.