زاگرۆس پۆست
چەكدارانی دەوڵەتی ئیسلامی لە عێراق و شام (داعش) لە ناو پارێزگای موسڵ هەڵمەتێكی ڕەشبگیریان دژ بەو پۆلیسانە ئەنجامدا كە وازیان لە ریزەكانی پۆلیسی عێراق هێناوە و لەو هەڵمەتەشدا 40 پۆلیسیان دەستگیردووە.
لەمبارەیەوە سەرچاوەیەك لە پارێزگای موسڵ هەواڵكەی پشت راستكردەوە كە ئەمڕۆ چوار شەممە 15/10/2014 تایبەت بە ئاژانسی هەواڵی (باسنیوز)ی ڕاگەیاندووە كە، بە تۆمەتی گوێ نەدان بە بڕیارەكانی چەكدارانی داعش لە پارێزگای موسڵ و دەوروبەری، ئەو چەكدارانە دەستییان بە دەستگیركردنی ئەو پۆلیسانە كردووە كە پێشتر لە ڕیزەكانی پۆلیسی عێراقی كاریان كردووە، تاكوو ئێستاش 40 پۆلیسیان دەستگیر كردووە.
سەرچاوەكە هەروەها وتووشیەتی: ماوەیەك پێش ئێستاش بە هۆی ئامادەنەبوونیان لە بەشداریكردنی شەڕ دژ بە هێزەكانی پێشمەرگە لەو سنوورە چەكدارانی داعش 560 گەنجی دیكەیان دەستگیر كردووە و تائێستاش هیچ زانیارییەك لە سەر چارەنووسیان دیار نییە كە ماون یاخود كوژراون.
