چوار شه‌ممه‌ 2 كانونی یه‌كه‌م 2020
ماڵەوە / ئێران / 3 چەكداری دیكەی كۆماری ئیسلامی لە سیستان و بەلوچستان بریندار بوون

3 چەكداری دیكەی كۆماری ئیسلامی لە سیستان و بەلوچستان بریندار بوون

راگەیاندنەكانی سەر بە كۆماری ئیسلامی ئێران رایانگەیاند كە، لە هێرشی چەند چەكدارێكی نەناسراو بۆ سەر ئۆتۆمبیلێكی گەشت لێدان لە بازگەی “رەئیس ئاباد كیشكوور” لە ناوچەی سەرباز هەڵكەوتوو لە باشووری پارێزگای سیستان و بەلوچستان بووەتە هۆی بریندار بوونی 3 كەس لە هێزە ئینتزامیەكان.

فەرماندەی هێزە ئینتزامیەكانی سیستان و بەلوچستان وێڕای پشتڕاست كردنەوەی ئەم هەواڵە، باسی لە عەمەلیاتی بەدواداچوونی ئەو چەكدارانە كردووە و رایگەیاندووە كە: بە هۆی ئەو بەدواداچوونەمانە چەند كەسی گێرەشێوێن كوژراو و بریندار بوون.

ئەمە لەحاڵێكدایە كە رۆژی شەممەی ئەم هەفتەیەش، تەقینەوەیەكی سەر رێگا بووە هۆی خەسار بەركەوتنی 2 ئۆتۆمبیلی پۆلیس لە باشووری سیستان و بەلوچستان، بەڵام ئەو تەقینەوەیە خەساری گیانی بەدواوە نەبوو و هەر لەو رۆژەشدا بەهرام بەخشەندە بەرپرسی كاروباری كۆمەڵایەتی فەرمانداری شاری ئێرانشار لە بەر دەرگای ماڵەكەی هێرشی كرایە سەر كوژرا.

هەروەها 3 كەسی دیكە لە هێزە ئینتزامیەكان رۆژی چوارشەممە هەفتەی رابردوو بە هۆی تەقەی كەسانێكی نەناسراو كوژراون و رۆژی پێنجشەممە 17ی مانگی رەزبەریش ئەفسەرێكی هێزە ئینتزامیەكان بە هۆی هاویشتنی موشەك و بەركەوتنی بازگەی ئاسپیچ كوژراوە.

ئەمە لەحاڵێكدایە كە لەم رۆژانەی دواییشدا بە هۆی كەوتنە خوارەوەی فڕۆكەیەكی هێزە ئنتزامیەكان لە پارێزگای سیستان و بەلوچستان 3 سەرهەنگ، سەردارێك و 3 فریاگوزاری فڕۆكەكە كوژران.

بابەتی هاوپۆل

قطع پای یک کولبر بە دلیل انفجار مین در مرز نوسود+ فیلم

بە دلیل انفجار مین در مرز نوسود از توابع شھر روانسر یک کولبر پایش را …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.