پێنج شه‌ممه‌ 21 تشرینی دووه‌م 2019
ماڵەوە / جیهان / داعش خەریكە فڕۆكەخانەی بەغدا بەدەستەوە دەگرێ

داعش خەریكە فڕۆكەخانەی بەغدا بەدەستەوە دەگرێ

چەكدارانی داعش لە فڕۆكەخانەی بەغدا نزیكبوونەتەوەو ئێستا لەگەڵ هێزەكانی سپای عێراق لەنزیك فڕۆكەخانە لە شەڕدان.

هەواڵنێریی رووداو ئاشكرای كرد، كە هێزێكی زۆری ئەمنی لەناو شاری بەغدا بڵاوەیان پێكراوەو چەندین شەقامی سەرەكیش داخراون.

پێشتر چەند بەرپرسێكی باڵای عێراقی بە ئاژانسەكانی هەواڵیان راگەیاندبوو، كە 10 هەزار چەكداری داعش لە دووری 13 كیلۆمەتر لە دەروازەی بەغدا كۆبوونەتەوە بەمەبەستی هێرشكردنە سەر بەغدا. هەروەها ژنراڵ مارتن دێمسی لە چاوپێكەوتنێكدا لەگەڵ كەناڵی (ABC) ئەمریكی رایگەیاند: “زۆری نەمابوو چەكدارانی داعش بگەنە فڕۆكەخانەی نێودەوڵەتی بەغدا، ئەوان تەنیا 25 كیلۆمەتر لە فڕۆكەخانەوە دووربوون، بەڵام هێلیكۆپتەرەكانی جۆری ئەباچی سوپای ئەمریكا هێرشیان كردە سەریان و لە فڕۆكەخانەیان دوورخستنەوە”.

فڕۆكەخانەی نێودەوڵەتی بەغدا دەكەوێتە شارۆچكەی ئەبو غورێب لە رۆژئاوای پارێزگای بەغدا و بە سەرەكیترین دامەزراوەی پایتەختی عێراق دادەنرێ دوای ناوچەی سەوز، كە دامودەزگاكانی حكومەت و باڵیۆزخانە و كونسوڵخانەی وڵاتانی جیهان لە عێراق لەخۆدەگرێ.

ئەم پێشهاتانەش هاوكاتە لەگەڵ نزیكبوونەوەی چەكدارانی داعش لە كۆنترۆڵكردنی تەواوی ناوچەكانی پارێزگای ئەنبار لە رۆژئاوای عێراق، كە لەدیوی شارۆچكەی ئەبو غورێبەوە هاوسنوورە لەگەڵ بەغدا.

بابەتی هاوپۆل

کشتە شدن نمایندە سابق لردگان

وند سید علی حسینی زاده معروف به سید صفدر شاغل در اداره ارشاد و تبلیغات …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.