شه‌ممه‌ 5 كانونی یه‌كه‌م 2020
ماڵەوە / کوردستان / واژۆ كردنی تۆماری ناڕەزایی كرێكاری نانەواییەكانی شاری سنە و دەوروبەر

واژۆ كردنی تۆماری ناڕەزایی كرێكاری نانەواییەكانی شاری سنە و دەوروبەر

بە پێی ئەو هەواڵانەی بە زاگرۆس پۆست گەیشتووە، كرێكاری نانەواییەكانی شاری سنە و دەوروبەر بە هۆی گرانیی لە رادەبەدەر و زەختی زۆر بۆ دابینكردنی بژیوی ژیانیان تۆمارێكیان واژۆ كردووە و بەو چەشنە ناڕەزایی خۆیان بە دۆخی ناڵەباری ئابووریی ژیانی خۆیان دەربڕیوە.

ئەو كرێكارانە پاش كۆكردنەوەی تۆمارەكەیان راگەیەندراوێكیان بڵاو كردووەتەوە كە تێیدا باس لەوە كراوە كە، هەڵاوسان و گرانیی لە رادەبەدەر و كەمەرشكێنی پێداویستیە سەرەكیەكانی ژیانی خۆیان و بنەماڵەیان، چوونەسەرەوەی هەزینەی پەروەردە و دەرمانی خۆیان و منداڵەكانیان، هەڵكشانی بێ سنووری كرێ خانوو و بە گشتی دۆخی تاقەت پڕوكێنی ژیان زەختێكی یەكجار زۆری دەروونی خستووەتە سەر كرێكاران و بنەماڵەكانیان.

لە كۆتایی راگەیەندراوی كرێكارانی خەبازیی شاری سنە و دەوروبەر داوا كراوە كە، لە خێراترین كاتدا كۆتایی بە میكانیزە بوونەوەی نانەواییەكان لە ئاستی شارەكەدا بهێنرێت تا پێش بە بێكاریی و بێ دەرەتانی هەزاران كەسی هەژار و رەش و رووت بگیردرێت.

بابەتی هاوپۆل

آمار رسمی کل قربانیان کرونا در ایران از ۵۰ هزار نفر گذشت

وزارت بهداشت رژیم ایران روز شنبه اعلام کرد که طی شبانه‌روز گذشته، ۳۲۱ نفر دیگر …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.