چوار شه‌ممه‌ 5 تشرینی یه‌كه‌م 2022

ئەگەری هێرشی داعش بۆ سەر ئێران و پشتڕاست كردنەوەی وێنەیەكی قاسم سلێمانی

ڕاوێژكاری‌ عەلی‌ خامنەیی‌ لە سپای‌ پاسداران ئاشكرای‌ كرد: سپای‌ قودسی‌ ئێران، لە هێڵی‌ پێشەوەی‌ بەرەكانی‌ شەڕ لە عێراقدا و پێگەی‌ دەیلی‌ بێستی‌ ئەمریكیش رایگەیاند: ئێران ڕووبەڕووی‌ هێرشی‌ پارتیزانی‌ و خۆكوژی‌ چەكدارانی‌ داعش بووەتەوە.

بە پێی راپۆرتی هەواڵنێریی “KNN” یەدوڵڵا جەوانی‌ ڕاوێژكاری‌ باڵای‌ عەلی‌ خامنەیی‌ لە سپای‌ پاسداران، لە چاوپێكەوتنێكی‌ تەلەفزیۆنیدا ئاشكرای‌ كرد: سپای‌ قودسی‌ ئێران لە عێراق و سوریە، بوونی‌ هەیەو سەرقاڵی‌ بەرگریكردنە لە خەڵكی‌ ئەو دوو وڵاتە.

جەوانی‌، ئەوەشی‌ خستەڕوو كە سپای‌ قودس لە عێراق، لە هێڵی‌ پێشەوەی‌ بەرەكانی‌ شەڕ لەگەڵ داعش و ئەزمونی‌ جەنگی‌ 8 ساڵەی‌ ئێران و عێراق و شەڕی‌ گروپە چەكدارەكانی‌ دیكە بۆ هێزی‌ پێشمەرگە و گروپە عێراقییەكان دەگوازێتەوە.

جەوانی‌، دوایین وێنەی‌ قاسم سلێمانی‌ كە رۆژی‌ 2 شەممەی هەفتەی‌ ڕابردوو لەگەڵ َژمارەیەك پێشمەرگە بڵاو كرایەوە، پشتڕاست كردەوە.

لە لایەكی‌ دیكەوە، پێگەی‌ دەیلی‌ بێستی‌ ئەمریكا‌، لە راپۆرتێكدا ئاشكرای‌ كرد: ئێران رووبەڕووی‌ هێرشی‌ خۆكوژی‌ و پارتیزانی‌ چەكدارانی‌ داعش بوەتەوە، بەڵام دەسەڵاتدارانی‌ ئێران، هەواڵەكانی‌ پەیوەندیدار بە هێرشەكانی‌ داعش بۆ سەر ئێران لە ناوخۆ و دەرەوەی‌ ئەو وڵاتە، بڵاو ناكەنەوە.

پێگەكە، ئاماژەی‌ بە هێرشەكەی‌ مانگی‌ گوڵانی‌ رابردووی‌ بەعقوبە و چڕبوونەوەی‌ هێرشەكانی‌ گروپە سوننەكان لە زاهیدان كردەوە و ئاماژەی‌ بە نزیكبوونەوەی‌ داعش لە سنوورەكانی‌ ئێران داوە.

ئەوەش لە كاتێكدایە، دوێنێ‌ فڕۆكەیەكی‌ سەربازی‌ ئێران لە زاهیدان، كەوتەخوارەوە و بە هۆیەوە 7 كەس كوژران كە چواریان فەرماندەی‌ باڵای‌ سەربازیی‌ بوون.

بابەتی هاوپۆل

زیندانی سیاسی کورد، «سوران ئەرزەن» بە دانانی بارمتە و بە شێوەی کاتی ئازاد کرا

 زیندانی سیاسی کورد، «سوران ئەرزەن» بە دانانی بارمتە و بە شێوەی کاتی ئازاد کرا   بە …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.