ماڵەوە / ئێران / كوژرانی 7 كەس بە هۆی كەوتنە خوارەوەی فڕۆكەی نیزامی لە ئێران

كوژرانی 7 كەس بە هۆی كەوتنە خوارەوەی فڕۆكەی نیزامی لە ئێران

شەوی رابردوو فڕۆكەیەكی نیزامی ئێرانی لە پارێزگای سیستان و بەلوچستانی ئێران كەوتە خوارەوە و 4 بەرپرسی هێزە ئینتزامیەكانی ئێران لەو رووداوەدا تیاچوون.

ئەو فڕۆكەیە كە فڕۆكەیەكی بچووك و لە جۆری پەروانەیی بوو درەنگانێكی شەوی رابردوو لە تارانەوە بەرەو زاهیدان دەڕۆیشت، كە سەرلەبەیانی ئەمڕۆ پارچەكانی فڕۆكەكە دۆزرایەوە.

فڕۆكەكە سەر بە هێزی ئینتیزامی (پۆلیس) ئێران بوو و جیا لە 4 بەرپرسی هێزی ئینتیزامی ئێران كە سیانیان پلەی سەرهەنگیان هەبوو، یەكێكیان پلەی سەردار بوو، 3 خزمەتگوزاری فڕۆكەیشی تێدا بوو كە ئەوانیش گیانیان لەدەستداوە.

فەرماندەی هێزە سنوورییەكانی ئێران قاسم رەزایی سەبارەت بە ئەگەری هێرشكردنە سەر ئەو فڕۆكەیە و هۆكاری كەوتنە خوارەوەی وتی: “ئەو فڕۆكەیە هیچ هێرشێك نەكراوەتە سەری و خۆی كەوتووەتە خوارەوە، كە تاوەكو ئێستا دیار نییە هۆكارەكەی چییە”.

ئەمە لەحاڵێكدایە كە لە ماوەی چەند رۆژی رابردوو 4 كەسی دیكە لە هێزە نیزامیەكانی كۆماری ئیسلامی ئێران، لە پارێزگای سیستان و بەلوچستان بە دەستی چەكدارانێكی نەناسراو كە گومان دەكرێ سەر بە گرووپی “جیش العدل”بن كوژران

بابەتی هاوپۆل

زخمی شدن ٣ کولبر دیگر بە دست نیروھای رژیم در پیرانشھر

واحدهایی از سپاه و هنگ مرزی بسوی شماری از کاسبکاران در ارتفاعات مرزی پیرانشهر آتش …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.