چوار شه‌ممه‌ 27 ئایار 2020
ماڵەوە / جیهان / سپای عێراق سەربازگەیەكی دیكەی بە بێ بەرەنگار بوونەوە پێشكەشی داعش كرد

سپای عێراق سەربازگەیەكی دیكەی بە بێ بەرەنگار بوونەوە پێشكەشی داعش كرد

سەرچاوەیەكی ئەمنی عێراقی رایگەیاندووە كە،” چەكدارانی داعش كۆنترۆڵی سەربازگەیەكی سپای عێراقیان لە رۆژئاوای رومادی بەدەستەوە گرت و لەو هێرشەدا هیچ تەقەیەك بەرانبەریان نەكرا”.

ئەو سەرچاوەیە ئاماژەی بۆ ئەوە كردووە كە چەكدارانی داعش شەوی رابردوو كۆنترۆڵی سەربازگەكەیان كردووە كە نزیك شاری “هیتە” دایە و سپای عێراق پێش ئەوەی چەكدارانی داعش بگەنە سەربازگە‌كە چۆڵیان كردووە.

ئەو سەرچاوەیە بە هەواڵنێریی شەفەق نیوزی راگەیاندووە كە، ” چەكدارانی داعش دەست یان گرتووە بەسەر هەموو چەك و تەقەمەنییەكانی ناو سەربازگەكەداو دواتر دەستیان بەپێشرەوی كردووە بۆ جێگاكانی تری پارێزگاكە”‌.

زۆربەی ناوچەكانی پارێزگای ئەنبار بەدەست چەكدارانی داعشەوەیە، لەوانە قەزای هیت و رواو و قائیم و چواردەوری شاری رومادی، سوپای عێراقیش لە قەزای حەدیسە ماوەتەوە كە گرنگترین شوێنی پارێزگاكەیەو دووەم بەنداوی گەورەی عێراق و فرۆكەخانەیەكی سەربازی لێیە.
جێگای وەبیرهێنانەوەیە دوێنێ هەواڵێكی دیكە بڵاو كرایەوە كە داعش دەستی بە سەر شاری ئەبوغۆرەیب دا گرتووە و لە 13 كیلۆمتری شاری بەغدایە.

بابەتی هاوپۆل

کەژوان ئازادیان رەوانەی زیندانی مەریوان کرا

كەژوان ئازادیان خوێندكاری زانكۆی پەیام نووری مەریوان بە مەبەستی تێپەڕاندنی حوکمەکەی رەوانەی زیندانی مەریوان کرا. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.