پێنج شه‌ممه‌ 4 حوزه‌یران 2020
ماڵەوە / کوردستان / خۆپیشاندانی كوردانی باكوور دژی توركیە 14 كوژراوی لێكەوتەوە

خۆپیشاندانی كوردانی باكوور دژی توركیە 14 كوژراوی لێكەوتەوە

ژمارەی خۆپیشاندەرە كوژراوەكانی كوردی باكووری كوردستان، كە بۆ ناڕەزایی دەربڕین دژی هەڵوێستی توركیە سەبارەت بە پشتیوانی نەكردنی كۆبانێ رژابوونە سەر شەقامەكان گەیشتە 14 كەس و هەندێكی دیكە لە هەواڵنێرییەكانیش باس لەوە دەكەن كە رێژەی ئەو كەسانەی كە لەو تێكهەڵچوونانەدا گیانیان بەخت كردووە 15 كەسە.

سەر لە بەیانی ئەمڕۆ چوارشەممە 16ی رەزبەر، ‌كوژرانی پێنج كەس لە شاری ئامەدی باكووری كوردستان راگەیاندرا و بەو چەشنە رێژەی كوژراوان بە دەستی سپا توركیە گەیشتە 14 كەس.

بە پێی زانیارییەكانی هەواڵنێریی رووداو، بە هۆی تێكهەڵچوونەكانی گەلی كورد و سپای توركیە “5 خۆپیشاندەر لە ئامەد و پاش نێوەڕۆی دوێنێ سێ شەممەش 3 خۆپیشاندەر لە ماردین، 2 خۆپیشاندەر لە سێرت و خۆپیشادەرێكیش لە مووش كوژراون، كە زۆربەیان لە پێكدادان لەگەڵ ئەندامانی پارتە ركابەرە سیاسییەكانیان و هێزە ئەمنییەكانی توركیە كوژراون”.

بە هۆی ئەو بارودۆخەوە لە هەكاری، وان ، ماردین و چەند شاری دیكەی باكووری كوردستان ‌زانكۆكان و فێرگەكان بۆ ماوەی 3 رۆژ دادەخرێن.

توركیە وێڕای قەدەغەكردنی هاتووچۆ، لەسەر زاری ئافكان ئالا، وەزیری ناوخۆ، داوای ئارامی و هێمن كردنەوەی بارودۆخەكەی كردووەو و وتوویەتی، ” كێشەكان بە تووندوتیژی چارەسەر نابن”، داواشیكردووە كە “ئەو كردەوانە، كە بە بێ عەقڵ ناوی لێ بردوون، بووەستێندرێن”.

بابەتی هاوپۆل

افزایش شمار مبتلایان به کرونا در استان کردستان بسیار نگران کننده و خطرناک است

آمار مبتلایان بە ویروس کرونا در استان کردستان در حال افزایش است و این حالی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.