چوار شه‌ممه‌ 27 ئایار 2020
ماڵەوە / کوردستان / هێزە ئیتلاعاتیەكان هێرشیان كردە سەر ماڵ هاوڵاتیەك لە ناوچەی دێگولان

هێزە ئیتلاعاتیەكان هێرشیان كردە سەر ماڵ هاوڵاتیەك لە ناوچەی دێگولان

بە پێی ئەو هەواڵانەی بە زاگرۆس پۆست گەیشتووە، دوێنێ شەممە رێكەوتی 12ی مانگی رەزبەر هێزەكانی كۆماری ئیسلامی هێرشیان كردووەتە سەر ماڵی چالاكێكی سیاسی كورد لە ئاوایی قروچیا سەر بە ناوچەی دێگولان.
دەوترێ ئەو هێزانە كە رژاونەتە ماڵ بنەماڵەی حسێن پەناهی بۆ ماوەیەكی زۆر كەلوپەلەكانی ناوماڵەكەیان پشكنیوە و لێپرسینەوەیان لە ئەندامانی بنەماڵەكە كردووە.
هێزەكانی حكومەت كە بریتی بوون لە هێزە بەسیجی و ئیتلاعاتیەكان، بە دایكی بنەماڵەكەیان وتووە كە ئێوە دژە شۆڕشن و دەبێ هەر بەم چەشنە بێڕێزانەیە هەڵسوكەوتتان لەگەڵ بكرێ.
شایانی باسە، بنەماڵەی حسێن پەناهی یەكێك لەو بنەماڵانەن كە ساڵانێكە خەریكی خەبات و تێكۆشانن و چەند منداڵیشیان لە نێو حیزبە سیاسیەكانی رۆژهەڵات خەریكی كار و چالاكی شۆڕشگێڕانەن و هەر بەم هۆیەوە لە لایەن حكومەتەوە زەختێكی زۆریان لەسەرە و تا ئێستا چەندین ئەندامی بنەماڵەكەشیان دەستبەسەر و رەوانەی زیندان كراون و ماوەیەك پێش ئێستاش پێیان راگەیەندرابوو كە بەرەو شارێكی دیكەی ئێران دوور دەخرێنەوە.

بابەتی هاوپۆل

کەژوان ئازادیان رەوانەی زیندانی مەریوان کرا

كەژوان ئازادیان خوێندكاری زانكۆی پەیام نووری مەریوان بە مەبەستی تێپەڕاندنی حوکمەکەی رەوانەی زیندانی مەریوان کرا. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.