زاگرۆس پۆست
چواردە چالاكی سیاسی، مەدەنی، فەرهەنگی و مافی مرۆڤ لە رۆژهەڵاتی كوردستان و ئێران و بە مەبەستی پشتیوانی لە خەڵكی خۆڕاگری كۆبانی دەستیان دایە مانگرتن لە خورادن.
ئەو چالاكانە لە اگەیەندراوێكدا مانگرتنەكەی خۆیان راگەیاندووە.
دەقی راگەیەندراو و ناوی ئەو چالاكانە بەم چەشنەیە:
ویژدانە ئاگاكان، ئازادیخوازان، مرۆڤدۆستان و دامەزراوەكانی مافی مرۆڤ
ئەوەیكە ئەمڕۆكە لە عێراق و سوریە دەیبینین تراژیدیایەكی زۆر سامناك و دڵتەزێنە، كە هەر ویژدانێكی ئازادیخوازی هەژاند، پاش كوشتاری بەكۆمەڵ و جینوسایدی كوردانی ئێزیدی لە شەنگال و ئێستاكەش جینایەت و وەحشیگەریی لە كۆبانی لە حاڵی دووپات بوونەوەدایە. بێدەنگی و ئینفعال لە بەرانبەر ئەم جینایەتە سامناكە گوناهێكە كە هیچ كات نابەخشرێت. ئێمە واژۆكەرانی ئەم راگەیەندراوە وێڕای مەحكوم كردنی جینایەتەكانی داعش لە كۆبانی بۆ هاودڵی و هاوڕایی لەگەڵ خەڵكی بێ دیفاع لە كۆبانی و شەنگال لە رۆژی دووشەممە 14ی مانگی رەزبەر تا رۆژی چوارشەممە 16ی هەر ئەو مانگە دەست دەدەینە مانگرتن لە خورادن. هیوادارین كە مرۆڤدۆستان و باوەڕمەندان بە بایەخە مرۆڤانەكان، هاوهەنگا و و هاوڕێی ئێمە بن.
۱- نسرین ستوده
۲- دکتر اسعد اردلان
٣- دکتر قگب الدین صادقی
۴- دکتر هرمیداس باوند
۵- دکتر ادیب برومند
۶- دکتر فریبرز رئیس دانا
۷- دکتر رحیم فرهمند
٨- دکتر حسین احمدی نیاز
۹- اسماعیل مفتی زاده
۱۰ – محمود محمودی
۱۱- مهندس حامد فرازی
۱۲- اجلال قوامی
۱٣- سیاوش حیاتی
۱۴- فردین کمانگر
