زاگرۆس پۆست
بە پشتیوانی باربیكان، گرووپی كامكاران بە شێوازێكی نوێ كۆنسێرتێكیان پێشكەش كرد.
گرووپی كامكاران، كە گرووپێكی گۆرانی و میوزیكی كوردیی رۆژهەڵاتی كوردستانە، بە ئامادەبوونی ژمارەیەكی یەكجار زۆر لە خەڵكی بەریتانیا و رەوەندی كوردی، ئێوارەی رۆژی چوارشەممە 9ی مانگی رەزبەر كۆنسێرتێكی گۆرانی كوردی و فارسییان لە هۆڵی باربیكان لە لەندەن سازكرد.
سەرەتای كۆنسێرتەكە بە چەند گۆرانییەكی فارسی دەستی پێكرد و دواتر گرووپەكە لە نێوبڕێكدا، بە جلی كوردییەوە لەسەر ستەیج دەركەوتنەوە و ئەمەش خۆشییەكی زۆری خستە نێو دڵی جەماوەری ئامادەبوو.
ئەوەی جێی سەرنج بوو، ژمارەیەكی یەكجار زۆر لە ئامادەبووان خەڵكی بەریتانیا بوون و لە نەتەوە جیاجیاكان پێكهاتبوون و خۆشحاڵبوونی خۆیان بۆ وتنەوەی ئەو گۆرانیە كوردیانە لە لایەن كامكارەكانەوە دەربڕی.
بڕیارە گرووپەكە لە چەند وڵاتێكی دیكەش كۆنسێرت ئەنجامبدات.
