چوار شه‌ممه‌ 25 نیسان 2018
ماڵەوە / کوردستان / ئەمەریكا پاڵاوگە نەوتییەكانی داعشی لەنزیك كۆبانی بۆردومان كرد

ئەمەریكا پاڵاوگە نەوتییەكانی داعشی لەنزیك كۆبانی بۆردومان كرد

شەوی رابردوو فرۆكە جەنگییەكانی ئەمەریكا‌و هێزەكانی هاوپەیمان لە ناوچەی دەوروبەری كۆبانی پاڵاوگەیەكی نەوتیان بۆردومان كرد

بەپێی هەواڵی ماڵپەڕەكانی نزیك لە پەیەدە، شەوی رابردوو فرۆكە جەنگییەكانی هاوپەیمانان پاڵاوگەی لۆكاڵی نەوت لە “كری سپی”یان بۆردومان كرد كە لەو پاڵاوگەیە نەوتی عێراق‌و سوریا پاڵاوتە دەكرا‌و بە توركیا دەفرۆشرا.

هەروەها چوار پاڵاوگەی نەوتی بلو، حەمدو، خاپور‌و حاجی عەی لە ناوچەی گردە سپی لە رۆژئاوای كوردستان لەلایەن فرۆكەكانی ئەمەریكا‌و هێزەكانی هاوپەیمان بۆردومان كرا.

لەو هێرشەدا هەروەها ئامادەیی كشتوكاڵ لەگوندی “عەتاتین” لە 10 كم رۆژهەڵاتی گردە سپی كرایە ئامانج كە بارەگای داعش بووە‌و شوێنێك بووە بۆ دروستكردنی بۆمبی چێنداروو بە سەربازگەی زەرقاوی بەناوبانگ بوو.

بەپێی ئەو هەواڵانە لەو بۆردومانكردنی سەربازگەی زەرقاوی نزیكەی 20 شارەزای تەقینەوەی داعش كوژراون.

هەر لەو هێرشانەی ئەمەریكا‌و هێزەكانی هاوپەیماندا دوو دەبابەی چەكدارانی داعش لەنێوان كۆبانی‌و باكوری كوردستان سوتێنران.
ئەمەش لەكاتێدایە كە شەڕ لە چواردەوری كۆبانی بەردەوامە.

بابەتی هاوپۆل

ئێران.. لەهەر سێ خولەك “تەڵاق”ێك تۆمار دەكرێت

ساڵی 1396 لە ئێران زۆرترین ئاماری تەڵاق‌و جیابوونەوەی هاوسەرەكان تۆمار كراوە‌و بە پێی ئەو ئامارە …