هه‌ینی 30 تشرینی یه‌كه‌م 2020
ماڵەوە / سیاسی / دۆخی نالەباری زیندانیەكی سیاسی كوردی مانگرتوو

دۆخی نالەباری زیندانیەكی سیاسی كوردی مانگرتوو

زیندانیەكی سیاسی كورد بە ناوی عەلیڕەزا رەسوڵی كە لە زیندانی ورمێ (دەریا) كە تووشی نەخۆشیەكی سەختی خوێنڕێژی گیرۆدە بووە و ماوەی 5 رۆژە دەستی داوەتە مانگرتن لە خواردن، لە دخێكی زۆر نالەباردا دەژیت.
بە پێی راپۆرتی كۆمەڵەی چالاكانی مافی مرۆڤ لە ئێران، عەلیڕەزا رەسولی خەڵكی شاری مەهابادی رۆژهەڵاتی كوردستانە كە لە زیندانی دەریا لە شاری ورمێ بە تۆمەتی سیاسی راگیراوە، بە جۆرێك نەخۆشی خوێنڕێژی گیرۆدە بووە و بە هۆی بەدوادانەچوونی پزیشكی لە لایەن كاربەدەستانی زیندانەوە، ماوەی 5 رۆژە دەستی داوەتە مانگرتن لە خواردن.
یەكێك لە ئەندامانی بنەماڵی عەلیڕەزا رەسولی رایگەیاندووە كە، ناوبراو ماوەی چەند ساڵ لەوەپێش سنگی ئێشی دەكرد، بەڵام كاربەدەستانی نێو زیندان هەر نەیانگواستەوە بۆ نەخۆشخانە و بەدواداچوونی تەندروستیان بۆ ئەنجام نەدا و ئێستاش بەوهۆیەوە دوو غودەی سەرەتانی چالاك لە سەر سنگ و باسنی سەریهەڵداوە و لە 5 رۆژ لەوەپێشەوە لەبەر ئەوەیكە بەدواداچوونی پزیشكیان بۆ ئەنجام نەداوە، دەستی داوەتە مانگرتن لە خواردن.
عەلیڕەزا رەسوڵی بە تۆمەتی هاوكاریی لەگەڵ یەكێك لە حیزبە كوردستانیەكان بە 3 ساڵ و نیو زیندان مەحكوم كراوە، بەڵام بنەماڵەكەی باس لەوە دەكەن كە ناوبراو بە هۆی پشتیوانی كردن لە كچە سووتاوەكانی شیناوێ لە بەردەم ئیداەری پەروەردەی شاری مەهاباد لەگەڵ كۆمەڵێك خەڵكی دیكە كۆبوونەوەیەكی ناڕەزاییان بەڕێوەبرد و بەو بۆنەوە دەستبەسەر كرا و ئێستا لە بەندی 12ی زیندانی ناوەندیی شاری ورمێ كە تایبەت بە زیندانیە سیاسیەكان راگیراوە.

بابەتی هاوپۆل

کیهان شیرینی، شهروند اهل سنندج با تودیع قرار وثیقه آزاد شد

کیهان شیرینی، از اهالی شهرستان سنندج با تودیع قرار وثیقه از بازداشتگاه اداره اطلاعات این …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.