هه‌ینی 30 تشرینی یه‌كه‌م 2020
ماڵەوە / کوردستان / چالاكیەكانی ئەمڕۆی پێشمەرگە و گریلا بەرانبەر بە داعش

چالاكیەكانی ئەمڕۆی پێشمەرگە و گریلا بەرانبەر بە داعش

ئەمڕۆ لانیكەم 18 كەس لە چەكدارەكانی داعش لە شەڕ و تێكهەڵچوونەكانیان لەگەڵ گریلا و پێشمەرگە لە ناوچەی “عین العرب” و  دەوروبەری شاری كۆبانی كوژراون و دەوترێ یەكێك لە كوژراوەكان خەڵكی وڵاتی “چین”ە و هەروەها دەنگۆی ئەوه هەیه که یەك قەتار چەك و تەقەمەنی كە لە لایەن توركیەوە رادەستی چەكدارانی داعش كرابوو لە لایەن گریلاكانی یەپەگەوە دەستی بەسەردا گیراوە.
چاودێریی مافی مرۆڤ لە سوریە رایگەیاند، لە ماوەی رۆژانی رابردوودا نزیك بە 60 ئاوایی كوردنشین لە لایەن چەكدارەكانی داعشەوە دەستیان بەسەردا گیراوە و بە هەزاران كەس ئاوارەی سنوورەكانی كوردستانی باكوور بوون و چارەنووسی 800 كەس لە دانیشتووانی ئەو ئاواییانە لە بەردەستدا نیە.
هەروەها بە پێی هەواڵی سەرچاوە خۆجێیەكانی باشووری كوردستان، دوای ئەوەی ژمارەیەك تیرۆرستی داعش ویستویانە لەڕێگەی ئاویەوە كۆمەك و هاوكاری بگەیەننە دەست چەكدارەكانیان لەسنوری حەمرین و سەعدیەو جەلەولا كەوتنە بۆسەی هێزەكانی پێشمەرگەو سێ چەكداریان لێ كوژراو 5 بەلەمیان سوتێنرا.
زیاتر لە حەوت بەلەمی داعش ویستویانە لەڕێگەی ئاوی لەسنوری حەمرینەوە چەك و تەقەمەنی بۆ تیرۆرستانی داعش بەرن لە سنوری سەعدیەو جەلەولا كە هاوكارییەكان خۆی لە 40 بۆمبی ئامادەكراو لەگەڵ خۆراك و چەك و دۆشكەدا بینیوەتەوە، بەڵام هێزەكانی پێشمەرگە لێیان هاتوونەتە دەست و سێ چەكداریان لێكوژراوەو 5 بەلەمیان سوتێنراوە، جگە لەوەی تەواوی بۆمب و هاوكاریەكان كەوتونەتە نێو ئاوەكەوە.
لەدوای گەمارۆدانی تیرۆرستانی داعش لە جەلەولاو سەعدیە ئەمە سێیەم هەوڵی داعشە كە لەناوچەكانی مقدادیەو بەلەدروزەوە دەیانەوێت هاوكاری بگەیینە جەلەولاو سەعدیە و سنوری حەمرین، بەڵام پێشمەرگە رێگری لێكردوون و زیانی زۆری پێگەیاندوون.

بابەتی هاوپۆل

سیرووس عەباسی و فەریدە ویسی بانگھێشتی دادگای سنە کران

سیرووس عەباسی و فەریدە وەیسی دوو چالاکی مەدەنیی خەڵکی دێولان بانگهێشتی لقی ١ی دادگای ئینقلابی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.