هه‌ینی 3 كانونی یه‌كه‌م 2021
ماڵەوە / سیاسی / دانی زەبرێكی كوشندە لە داعش

دانی زەبرێكی كوشندە لە داعش

ئەمڕۆ فڕۆكە جەنگییەكان سەربازگەیەكی چەكدارانی گرووپی داعشیان لە ناوچەیەكی نزیكی مووسڵ بۆردوومان كرد و لەئاكامدا 165 چەكداری داعش كوژران و برینداربوون.
بە پێی راپۆرتی هەواڵنێریی رووداو، فڕۆكە جەنگییەكان كە نازانرێ ئەمریكاین یان عێراقی بەرەبەیانی ئەمڕۆ سەربازگەیەكی چەكدارانی داعشیان لە كۆلێژی كشتوكاڵی لە ناوچەی حەمام عەلیلی نزیك شاری مووسڵ بۆردوومان كردووە.
دەوترێ فڕۆكە جەنگییەكان سەرەتا مووشەكێكیان ئاراستەی چەكدارانی نێو سەربازگەكە كرد، كە چەكدارانی داعش بۆ مەشقپێكردن بەكاری دەهێنن، هاوكات دوای گردبوونەوەی چەكدارانی دیكەی داعش بۆ فریاكەوتنی بریندارەكانیان فڕۆكەكان دیسان مووشەكێكی دیكەیان ئاراستەی چەكدارەكان كردووەو بووەتە هۆی كوژرانی زیاتر لە 100 چەكداری داعش و برینداربوونی زیاتر لە65ی دیكە.
هەروەها هەواڵەكە باس لەوە دەكات كە، چەكدارانی داعش 40 لە بریندارەكانیان گەیاندووەتە نەخۆشخانەیەكی شاری مووسڵ و 25 برینداری دیكەشیان گەیاندووەتە نەخۆشخانەی سەربازی ناوچەی حەمام عەلیل”.
ئەمە لەكاتێكدایە فڕۆكە جەنگییەكانی ئەمریكا و هێزی ئاسمانی عێراق بەردەوام بۆردوومانی چەكدارانی داعش دەكەن لە ناوچەكانی ژێر دەسەڵاتی ئەو گروپە، لەو دەمەی هێزی پێشمەرگەی كوردستان و سوپای عێراق و چەكدارانی خۆبەخشی شیعە لەسەر زەوی رووبەڕووی چەكدارانی داعش دەبنەوە.

بابەتی هاوپۆل

ئەمیر بایەزیدی‌ ئازەر بۆ جێبەجێکردنی حوکمەکەی ڕەوانەی زیندان کرا

رۆژی شەممە ٢٩ی خەزەڵوەر، هاووڵاتییەکی کورد بە ناوی “ئەمیر بایەزیدی ئازەر” کوڕی “مستەفا” و خەڵکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.