زاگرۆس پۆست
سەر لە بەیانی ئەمڕۆ رێوڕەسمێك بۆ یادی ژنە هۆنەرمەند و پێشمەرگەی تێكۆشەر مەرزیە فەریقی بەڕێوە چوو.
ئەمرۆ 5شەممە 27ی خەرمانان بە بۆنەی نۆهەمین ساڵیادی مەرگی هونەرمەند و پێشمەرگە مەرزیە فەریقی رێورەسمێك بە بەشداری بنەماڵە و دوستانی ئەم هونەرمەندە و هەروەها كۆمەڵێكی بەرچاو لە هونەرمەندانی شاری سلێمانی و رۆژنامەنووس و رۆشنبیران و لایەنە سیاسیەكان لە سەر گلكۆی ئەم ژنە هونەرمەندە لە گردی سەیوانی شاری سلێمانی بەرێوە چوو.
بە خوێندنەوەی ژیاننامەكەی و هەروەها پێشكەش كردنی چەند تابلۆیەكی هونەری و وتنەوەی سرودی سڵاوی گەرمی پێشمەرگە لە لایەن هونەرمەندانەوە رێز لە یادی هەمیشە زیندووی مەرزیە فەریقی گیرا.
شایانی باسە چەندین كەسایەتی و هونەرمەند و هەروەها بنەماڵەی “مەرزیە” وتاریان پێشكەش كرد و بەو چەشنە رێزیان لە یاد و تێكۆشانی ئەو هونەرمەندە هەڵكەوتووە گرت.
