شه‌ممه‌ 31 تشرینی یه‌كه‌م 2020
ماڵەوە / سیاسی / چەكدارە شیعەكان دەیان مزگەوتی سونەكانیان تەقاندەوە

چەكدارە شیعەكان دەیان مزگەوتی سونەكانیان تەقاندەوە

دوای هاتنی هێزەكانی بەدر و سەرایای سەلام بۆ سنووری شارۆكەی دووزخورماتوو، تا ئێستە زیاتر لە 35 مزگەوتی سونەكانیان تەقاندۆتەوە.
محەمەد ساڵح بەرپرسی ئەوقافی دووزخورماتوو بە ماڵپەڕی “وشە”ی راگەیاندووە كە، هێزە چەكدارە شیعەكان كە لە رێكخراوی بەدر بە سەرۆكایەتی هادی عامری و چەكدارانی سەرایای سەلام كە سەر بە رەوتی سەدرن، دوای هاتنیان بۆ شارەدێی ئامرلی و سلێمان بەگی سەر بە شارۆكەی خوورماتوو، زیاتر لە 35 مزگەوتیان لە 50 گوندی سەر بە هەردوو شارەدێكە سووتاندووە و تەقاندوویانەتەوە.

باس لەوەش دەكرێ كە هێزەكانی ئێران و بەتایبەت بەرپرسی سپای قودسی كۆماری ئیسلامی واتە قاسم سلێمانی لەم كردەوانەدا دەستیان هەبێت.
محەمەد ساڵح ئاماژەی بەوەش دا، ئەو گوندانەی سنووری ئامرلی و خوورماتوو كاتێك لە ژێر دەستی هێزەكانی داعش بوون، مزگەوتەكانیان نەتەقاندووەتەوە.
شایانی باسە، لە زۆرێك لە ناوچەكانی ژێر دەستی داعشدا شوێنەوارە مێژوویی و ئاینیەكان و لەوانە حسێنیەی شیعەكانیش تەقێندراونەتەوە و پێدەچێ چەكدارە شیعەكانیش لە دژكردەوە بەو كردەوانەی داعش ئەو مزگەوتانەیان تەقاندبێتەوە.

بابەتی هاوپۆل

سیرووس عەباسی و فەریدە ویسی بانگھێشتی دادگای سنە کران

سیرووس عەباسی و فەریدە وەیسی دوو چالاکی مەدەنیی خەڵکی دێولان بانگهێشتی لقی ١ی دادگای ئینقلابی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.