شه‌ممه‌ 31 تشرینی یه‌كه‌م 2020
ماڵەوە / کوردستان / كوژران و بریندار بوونی 3 كۆڵبەری دیكە

كوژران و بریندار بوونی 3 كۆڵبەری دیكە

بە هۆی دەستڕێژی گوللەی هێزە نیزامییەكانی كۆماری ئیسلامی ئێران لە شاری پیرانشار بۆ سەر كۆڵبەرانی كورد، كۆڵبەرێك گیانی لەدەستدا و دوو كۆڵبەری دیكەش بریندار بوون.
شەوی رابردوو لە ناوچەیەك بە ناوی “منەمار” لە ناوچە كوێستانییەكانی قەندیل لە سنووری نێوان باشوور و رۆژهەڵاتی كوردستان، كاروانێكی كۆڵبەرانی كورد لە پیراشار لە لایەن هێزە نیزامییەكانی كۆماری ئیسلامیەوە درانە بەر دەستڕێژی گوللە و بەو هۆیەوە كۆڵبەرێك گیانی لەدەستدا و 2 كۆڵبەری دیكەش بە توندی بریندار بوون.
لەو هێرشەدا كۆلبەرێكی تەمەن ٣٥ سال بە ناوی مەلا ئیدریس ئیبراهیمی و كوڕی قادر لە لە لایەن ئەو هێزانەوە گیانی لەدەست دا و برایەكیشی بە توندی بریندار بوو.
مەلا ئیدریس ژون و منداڵی بووەو تەرمەكەی لە گۆڕستانی “كۆنە خان”‌ی پیرانشار بەخاك سپێردرا.
هەروەها لە ئەنجامی تەقەی ئەو هێزانەدا برا گەورەی مەلا ئیدریس بەناوی سلێمان تەمەن ٤٠ ساڵ بە توندی بریندار بووەو هەنووكە لە یەكێك لە ناوەندە دەرمانییەكان لەژێر چاوەدێریی پزیشكیدایە.
ئەو دوو كۆڵبەرە كوردە، خەلكی گوندی “قەرە خدری”ی سەربە ناوچەی لاجانی پیراشار بوون.
هەروەها لە هێرشێكی دیكەی هێزە نیزامیەكان بۆ سەر كۆڵبەرانی كورد، كۆڵبەرێكی دیكە بە ناوی عومەر سوڵتانی بریندار بووە.
شایانی باسە، ساڵانە بە سەدان كەس لە كۆڵبەران و كاسبكارانی كورد لە سەر سنوورەكانی كوردستان دەكەونە بۆسەی هێزەكانی كۆماری ئیسلامی ئێران و بەو هۆی تەقەی ئەو هێزانەوە، زۆرێكیان گیانیان لەدەست دەدەن و بریندار دەبن، یان كەلوپەلەكانیان لە لایەن هێزە حكومەتیەكانەوە دەستی بەسەردا دەگیردرێت.

بابەتی هاوپۆل

سیرووس عەباسی و فەریدە ویسی بانگھێشتی دادگای سنە کران

سیرووس عەباسی و فەریدە وەیسی دوو چالاکی مەدەنیی خەڵکی دێولان بانگهێشتی لقی ١ی دادگای ئینقلابی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.