هه‌ینی 3 كانونی یه‌كه‌م 2021
ماڵەوە / کوردستان / هاتنی بوومەلەرزە لە شاری بانە

هاتنی بوومەلەرزە لە شاری بانە

بوومەلەرزەیەكی بەهێز شاری بانە لە رۆژهەڵاتی كوردستانی هەژاندەوە.
كاتژمێر یەكی ئەمشەو پێنجشەممە 20ی خەرمانان بەرانبەر بە 11ی سێپتامبر، بوومەلەرزەیەكی بەهێز شاری بانە لە رۆژهەڵاتی كوردستانی هەژاندەوە.
دەوترێ ئەو بوومەلەرزەیە بە ئاستێك بەهێز بووە كە دانیشتووانی شارەكەی لە خەو هەستاندووە و بە ترس و دڵەڕاوكێیەكی زۆرەوە روویان لە شەقام و كۆڵانەكان كردووە.
گوڕی بوومەلەرزەكە هێشتاكە رانەگەیەندراوە و رێژەی خەسارەكانیشی ئاشكرا نەكراوە.
جێگای وەبیرهێنانەوەیە، مانگی رابردوویش بوومەلەرزەیەكی بەهێز شاری مورمور سەر بە پارێزگای ئیلام لە رۆژهەڵاتی كوردستانی هەژاندەوە و بەو هۆیەوە سەدان كەس لە خەڵكی ناوچەكە گیانیان لەدەستدا و خانوو بەرەیەكی زۆریش بەرەوڕووی رووخان بوونەوە.
ئێران و بەتایبەت كوردستان و بناری زنجیرە چیاكانی زاگرۆس لەو ناوچانەی جیهانن كە لە سەر هێڵی بوومەلەرزەدان و هەر دەم ئەگەری ئەوە لە ئارادایە كە بوومەلەرزە و كارەساتێكی پەیوەندیداری لەو چەشنە روو بدات و قەیرانێكی مرۆیی و ژینگەیی زۆر بەدوای خۆیدا بهێنێت.

بابەتی هاوپۆل

ئەمیر بایەزیدی‌ ئازەر بۆ جێبەجێکردنی حوکمەکەی ڕەوانەی زیندان کرا

رۆژی شەممە ٢٩ی خەزەڵوەر، هاووڵاتییەکی کورد بە ناوی “ئەمیر بایەزیدی ئازەر” کوڕی “مستەفا” و خەڵکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.