سێ شه‌ممه‌ 20 تشرینی یه‌كه‌م 2020
ماڵەوە / جیهان / پێكهێنانی “پۆلیسی شەریعەت” لە لایەن ئیسلامیەكانی ئاڵمان

پێكهێنانی “پۆلیسی شەریعەت” لە لایەن ئیسلامیەكانی ئاڵمان

سەلەفیە توندڕەوەكانی شاری ڤووپرتاڵ لە وڵاتی ئاڵمان شەوانە لە سەر شەقام و كۆڵانەكاندا دەگەڕێن و زەخت دەخەنە سەر لاوان بۆ لەبەرچاو گرتنی بنەماكانی شەریعەتی ئیسلام.
سەلەفیەكان بۆ ئەم مەبەستەش جلیقە بە رەنگی نارنجی لەبەر دەكەن و خۆیان وەكوو پۆلیس بە خەڵك دەناسێنن و ئەمەش بووەتە هۆی تووڕەیی كاربەدەستانی ئەو وڵاتە.
دەوترێ لەسەر جلیقەی سەلەفیەكان نووسراوە “پۆلیسی شەریعەت”. دەوترێ وێڕای ئەوەیكە بەسەر شەقام و كۆڵانەكانی شاری ڤووپرتاڵ دا دەگەڕێن و هوشدار دەدەن خەڵك كە بنەما ئیسلامیەكان بپارێزن، دەڕۆنە نێو دووكانی شارۆمەندان و هوشدار دەدەنە سەلەفیەكان كە دەبێ ببنە سەلەفی و بنەما شەرعیەكان بپارێزن.
پۆلیسی ئەو شارە داوا لە هاوڵاتیان كردووە كە لە ئەگەری بینینی هەر بابەتێكی لەو چەشنە ئەوان ئاگادار كەنەوە و تا ئێستا ئەو سەلەفیانە كە تەمەنیان لە نێوان 19 بۆ 33 ساڵدایە دەستبەسەر نەكراون.
توماس د مزیە، وەزیری ناوخۆی ئاڵمان لەمبارەوە دژكردەوەی دەربڕیوە و رایگەیاندووە كە، شەریعەت لە خاكی ئاڵمان قبوڵ ناكرێت و هیچ كەسێك بۆی نیە لە نێوی پۆلیسی ئاڵمان بە خراپە كەڵك وەربگرێت. هایكو ماس، وەزری دادی ئاڵمانیش وتوویەتی، لە وڵاتی ئاڵمان حكومەتێك لە سەر بنەمای یاسا دەسەڵاتی هەیە و جێبەجێ كردنی یاسا تەنیا لە بەرپرسیاریەتی دەوڵەت دایە، نە گرووپێك كە خۆی بە پۆلیس پێناسە دەكات.
شایانی باسە نزیك بە 6 هەزار سەلەفی توندڕە و كەسی جیهادی لە ئاڵماندا بوونی هەیە و تەنیا لە پارێزگای نورد_راین وستفالن نزیك بە 1800 سەلەفی توندڕەو هەیە كە پێڕەوی لە ئیسلامیەكانی شاری لەندەن لە وڵاتی ئێنگلیس دەكەن كە ساڵی رابردوو لە سەر شەقامەكانی ئەو شارە مانۆڕیان دابوو.

بابەتی هاوپۆل

چوار کچی هەورامی بە دانانی بارمتە ئازاد کران

چوار کچی خەڵکی ناوچەی هەورامان کە مانگی خەرمانان لە لایەن هێزەکانی ڕێژیمی ئیسلامی ئێرانەوە دەستگیر …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.