زاگرۆس پۆست
پێشمه‌رگه‌کانی کۆمهڵهی زه‌حمه‌تکێشانی کوردستان له سه‌ره‌تای ده‌ستپێکردنی هێرشی داعش بۆ سه‌ر باشووری کوردستان شانبه‌شانی هێزه هاوبه‌شه‌کانی پێشمه‌رگه به‌شداریی شه‌ڕی دژ به داعش‌یان کردووه‌و له دوایین پێشڕه‌ویی پێشمه‌رگه بۆ شاری مه‌خمور پێشمه‌رگه‌یه‌کی ئهو حزبه بریندار بوو.
به گوێره‌ی زانیارییه‌کانی زاگرۆس پۆست له زاری که‌ریم که‌ریمی به‌رپرسی پێوه‌ندییه‌کانی کۆمهڵهی زه‌حمه‌تکێشان له هه‌ولێر ئارام موده‌ڕسی ئه‌ندامی پێشووی کۆمیته‌ی ناوه‌دیی کۆمه‌ڵه‌و کادری پێشکه‌وتووی ئێستای ئهو حزبه له روبه‌ڕوبونه‌وه‌ی ئه‌مڕۆی هێزی پێشمه‌رگه له گه‌ڵ داعش له ئاکامی به‌رکه‌وتنی تاشه به‌ردێک به هۆی گوله هاوه‌نی داعشه‌وه بریندار بووه‌و هه‌ر له شاری مه‌خمور ده‌رمان کراوه‌و ئێستاش له به‌ره‌کانی شه‌ڕدا ماوه‌ته‌وه‌و هاوشانی پێشمه‌رگه‌کانی تر خه‌ریکی به‌رگرییه.
