ماڵەوە / ئێران / دووه‌مین رووداوی هێڵی گواستنه‌وه‌ی گشتی له ئێران: سێ کابینه‌ی شه‌مه‌نده‌فه‌رێک له خه‌‌ت ده‌رچوو

دووه‌مین رووداوی هێڵی گواستنه‌وه‌ی گشتی له ئێران: سێ کابینه‌ی شه‌مه‌نده‌فه‌رێک له خه‌‌ت ده‌رچوو

ئه‌مڕۆ به ده‌رچوونی سێ کابینه‌ی شه‌مه‌نده‌فه‌ری مه‌‌شهه‌د بۆ تاران دووه‌مین رووداوی هێڵی گواستنه‌وه‌ی گشتی له ئێران دوای که‌وتنه خواره‌وه‌ی فڕۆکه‌یه‌کی نه‌فه‌رهه‌ڵگر له‌و ڵاته روویدا.دوانیوه‌ڕۆی ئه‌مڕۆ یه‌کشه‌مه دووه‌مین رووداوی گواستنه‌وه‌ی گشتی به ده‌رچوونی سێ کابینه‌ی شه‌مه‌نده‌فه‌ری نه‌فه‌رگواستنه‌وه‌ی نێوان مه‌شهه‌د- تاران روویداو به هۆیه ژماره‌یه‌ک هاوڵاتی بریندار بوون‌و هه‌ر سێ کابینه‌که تێک شکێنرا.

له‌و پێوه‌ندییه‌دا سه‌رچاوه‌یه‌ک له پارێزگای سمنانه‌وه بڵاوی کردووه‌ته‌وه رووداوه‌که له نێوان وێستگه‌کانی کانی شیرین‌و بسام‌ی ئه‌و پارێزگایه‌‌و کاتژمێر 15:45 بووه‌. ئه‌و سه‌رچاوه‌یه روونیشی کردووه‌ته‌وه برینی هاوڵاتییان سووک بووه‌و دوای ئه‌وه‌ی توانراوه دوو کابینه‌ی نه‌فه‌رهه‌ڵگرو کابینه‌ی جێگه‌ی شت‌و مه‌ک له شه‌مه‌نده‌فه‌ره‌که جیا بکرێته‌وه‌، درێژه‌ی به رێگه‌ی داوه.

شایانی باسه سه‌رله‌به‌یانیی ئه‌مڕۆ فڕۆکه‌یه‌کی نه‌فه‌رهه‌ڵگری ده‌سکردی ئێران به 50 سه‌رنشینه‌وه به سه‌ر ناوچه‌یه‌کی پیشه‌سازی له باکووری فڕۆکه‌خانه‌ی میهراباددا به‌ربووه‌وه‌و ده‌وترێت سه‌رجه‌م سه‌رنشینانی گیانیان له ده‌ستداوه.

بابەتی هاوپۆل

زخمی شدن ٣ کولبر دیگر بە دست نیروھای رژیم در پیرانشھر

واحدهایی از سپاه و هنگ مرزی بسوی شماری از کاسبکاران در ارتفاعات مرزی پیرانشهر آتش …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.