زاگرۆس پۆست
فه‌خره‌دین فه‌ره‌جی به‌ندکراوی سیاسیی کورد له به‌ندیخانه‌ی ته‌به‌س به هۆی پێڕانه‌گه‌یشتنی پزشکی له‌و به‌ندیخانه‌یه ده‌ستی داوه‌ته مانگرتن له خواردن.
به گوێره‌ی زانیارییه‌کانی زاگرۆس پۆست له به‌ندیخانه‌ی ته‌به‌س له باشووری خوراسان فه‌خره‌دین فه‌ره‌جی به‌ندکراوی سیاسیی کورد ماوه‌یه‌که به هۆی نه‌خۆشیی گورچیله‌کانیه‌وه ئازار ده‌کێشێت‌و به‌رپرسانی ئه‌و به‌ندیخانه‌ش وڵامده‌ری ئه‌و به‌ندکراوه نین بۆ چاره‌سه‌رکردنی پزیشکی‌و ناوبراو له ناڕه‌زایه‌تی به‌و بارودۆخه چه‌ند رۆژه ده‌ستی داوه‌ته مانگرتن له خواردن.
فه‌خره‌دین فه‌ره‌جی پێشتر ئه‌ندامی حزبێکی نه‌یاری کۆماری ئیسلامی بووه‌و ئێستا دوورخراوه‌ته‌وه بۆ به‌ندیخانه‌ی ته‌به‌س که له خراپترین به‌ندیخانه‌کانه له سه‌ر ئاستی ئێران بۆ پێڕاگه‌یشتنی به‌ندکراوان.
پێشتر ئه‌و به‌ندکراوه سیاسییه له به‌ندیخانه‌ی میناب له باشووری ئێران له ناڕه‌زایه‌تیی به بارودۆخێکی هاوشێوه به دوورینه‌وه‌ی لێوی ده‌ستی دابووه مانگرتن.
