هه‌ینی 19 تشرینی یه‌كه‌م 2018
ماڵەوە / کوردستان / كوژرانی هاوڵاتیەكی خەڵكی كامیاران بە دەستی هێزەكانی رژیم

كوژرانی هاوڵاتیەكی خەڵكی كامیاران بە دەستی هێزەكانی رژیم

هاوڵاتیەكی لاوی خەڵكی كامیاران پاش تەقەی هێزەكانی ئینتزامی لەو شارە گیانی لەدەستدا.

بە پێی هەواڵێكە بە ناوەندی هەواڵنێریی زاگرۆس پۆست گەیشتووە، رۆژی رابردوو واتە پێنجشەممە كاتژمێر 4ی سەرلەبەیانی لاوێكی خەڵكی كامیاران بە ناوی جوبرەئیل ساڵحی كوڕی ئیبراییم بە دەستی مەئمورانی ئینتزامی ئەو شارە لە نزیك ئاوایی ئەڵەك سەر بە كامیاران دراوەتە بەر دەسڕێژی گوللە‌و ناوبراو پاش تەقەی مەئموران بە ماشینەكەی هەڵاتووە.

بە پێی زانیاریەكانی زاگرۆس پۆست جوبرەئیل ساڵحی لەو ناوچە خەریكی راوكردن بووە‌و ناوبراو لە كاتی راوكردندا دراوەتە بەر دەسڕێژی گوللە‌و پاش ئەوەی مەئموران شوێنی دەكەون بە هۆی خێرایی لە رۆیشتندا ماشینەكەی تووشی وەرگەڕان دەبێت‌و بەمشێوە گیانی لەدەستدا.

شایانی باسە، بە وتەی شایەتحاڵەكان ناوبراو پێشتر چەندین جار بە هۆكاری جۆراوجۆر لەگەڵ مەئمورانی رژیم تووشی تێكهەڵچوون بووە.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.