دوو شه‌ممه‌ 11 كانونی یه‌كه‌م 2017
ماڵەوە / مافی مرۆڤ / پێش به چاره‌سه‌ریی پزشکیی به‌ندکراوێکی سیاسی ده‌گیرێت

پێش به چاره‌سه‌ریی پزشکیی به‌ندکراوێکی سیاسی ده‌گیرێت

به‌ندکراوێکی سیاسیی کورد له به‌ندیخانه‌ی مهاباد سه‌ره‌ڕای وه‌رگرتنی مۆڵه‌تی پزیشکان بۆ چاره‌سه‌ری، رێگه‌ی لێ ده‌گیرێت‌و ناهێڵن بۆ ئه‌و مه‌به‌سته ببرێته‌وه ده‌ره‌وه‌ی به‌ندیخانه.

به گوێره‌ی هه‌واڵی گه‌‌یشتوو به زاگرۆس پۆست، به‌رپرسانی به‌ندیخانه‌ی مهاباد رێ له ناردنی به‌ندکراوێکی سیاسی به ناوی یه‌حیا سورخانی خه‌ڵکی مهابادو کوڕی عوسمان ده‌گرن بۆ نه‌خۆشخانه به مه‌به‌ستی چاره‌سه‌ریی پزشکی.

ناوبراو خاوه‌ن ژن‌و مناڵه‌‌و له‌دایکبووی 1358ی هه‌تاوییه‌و له رێکه‌وتی 24/03/1391وه ده‌ستبه‌سه‌رکراوه‌و به8ساڵ‌و 6مانگ به‌ندکردن حوکم دراوه.

به گوێره‌ی سه‌رچاوه‌که ئه‌و به‌ندکراوه له نه‌خۆشینێکی تایبه‌تی چاو ره‌نج ده‌کێشێت‌و چاره‌سه‌ریشی ته‌نیا له نه‌خۆشخانه‌ی مهاباد ده‌کرێت.

 

بابەتی هاوپۆل

کاسبکارێکی کورد بە هۆی دەستڕێژی ھیزەکانی رژیم بریندار بوو

کاسبکارێکی دیکەی کوردی خەڵکی شاری سنە لە لایەن ھێزەکانی رژیمەوە بریندار و رەوانەی بەشی ئای …