زاگرۆس پۆست
سه‌رله‌به‌یانیی ئه‌مڕۆ دووشه‌مه هێزه ئه‌منییه‌کانی کرماشان به تۆمه‌تی نانخوارن له شوێنێکی گشتی له لایه‌ن 5لاوی ئه‌و شاره‌وه له رۆژێ پێشووتر، سزای لێدانی قامچیی له شوێنه گشتییه‌کانیان به سه‌ردا سه‌پاندن.
به گوێره‌ی زانیارییه‌کانی زاگرۆس پۆست دوێنێ یه‌کشه‌مه دوای ئه‌وه‌ی له شوێنێکی گشتیی کرماشان پێنج لاوی ئه‌و شاره نانیان خراردووه له لایه‌ن هێزه ئه‌منیه‌کانه‌وه ده‌ستبه‌سه‌ر کراون‌و دواتر دادگای گشتیی کرماشان به تاوانی ئه‌نجامدانی کاری حه‌رام سزای لێدانی قامچیی له چوار شوێنی گشتیی شاره‌که به سه‌دردا سه‌پاندوون.
به گوێره‌ی هه‌واڵه‌که ئه‌و پێنج لاوه دوانیوه‌ڕۆی دوێنێ یه‌کشه‌مه به تاوانی نانخواردن گیراون‌و ئه‌مڕۆش سزاکه‌یان له چوارڕێیانی نه‌وبه‌هار، مه‌سکه‌ن، مه‌یدان ئازادی‌و مه‌یدان فرده‌وس به سه‌ردا جێبه‌جێکراوه.
ده‌وترێت ئه‌وه یه‌که‌مجاره له‌م ره‌مه‌زانه‌دا سزای له‌وجۆره به سه‌ر هاوڵاتییانی کورد به تۆمه‌تی نانخواردن له رۆژهه‌ڵاتی کوردستان بسه‌پێنرێت.
