لاوێکی مهابادی به هۆی کێشه‌ی کۆمه‌ڵایه‌تییه‌وه گیانی له‌ده‌ستدا

به هۆی کێشه‌ی کۆمه‌ڵایه‌تییه‌وه چه‌ند رۆژ له‌وه‌ پێش لاوێکی 23ساڵ ته‌مه‌ن له مهاباد ئاگری له جه‌سته‌ی خۆی به‌رداوه‌و دوێنێ شه‌مه له نه‌خۆشخانه‌یه‌کی شاری ورمێ گیانی له‌ده‌ستاوه‌.

سه‌رچاوه‌یه‌کی ئاگادار له رووداوه‌که له شاری مهاباده‌وه به زاگرۆس پۆستی راگه‌یاند حه‌فته‌ی رابردوو لاوێکی 23ساڵ ته‌مه‌ن به ناوی ‘ئیبراهیم’ دانیشتووی گه‌ڕه‌کی باغی شایگان‌ی مهاباد به هۆی کێشه‌ی کۆمه‌ڵایه‌تی ئاگری له‌ جه‌سته‌ی خۆی به‌رداوه‌و به هۆی قورسیی برینه‌که‌ی ره‌وانه‌ی ورمێ کرا، به‌ڵام پاش حه‌فته‌یه‌ک مانه‌وه له نه‌خۆشخانه گیانی له‌ده‌ستداوه.

ده‌وترێت باوکی ئه‌و بنه‌ماڵه‌یه‌ش چه‌ند ساڵ پێش خۆی هه‌ڵواسیوه‌و به‌و شێوه‌یه گیانی له‌ده‌ستداوه.