زاگرۆس پۆست
نەتەوەیەک شعری ئاوا و هەڵبەستڤانی ئاوای هەبێت، ئایندە هی ئەوە! سعید عبادتیان، ناسراو بە بانان{ئایندە}، مزگینی بانانێکی گەش دەدات، بانان شاعرێکی ئێجگار داهێنەر و ناسک خەیاڵ و خەیاڵ فراوانە. بانان لە دەڤەری کرماشان و ئیلام، ئێنسکلۆپیدیای وشەی رەنگین و رەسەنی کوردییە، پشتخانی هەراوی زمانی کولتوری بانان، لە رێگەی سامانی دەوڵەمەندی شانامەی کوردی و فەهلەویات و زمانی پەهلەوی / کوردی گۆرانییەوە دەگاتەوە زمانی مادی ئەڤێستایی.
لە شعری بانان دا، زاراوەی کەلهوڕی هێندە رەسەن و لەهەمان کات دا دەوڵەمەندە، کە مرۆڤ هەست بەو راستییە دەکات کە زمانی کوردی بە سێ ستانداردیش تێر نابێت.
لە ژێرەوە شعری هەرە جوان و رەنگینی مانشت بە دەنگ و قەڵەمی بانانی شاعر دەبینین/دەبیستین.
مانشت! دەسْ كی بنیادد بەنی؟
كام وا، كام واران، بنا ڕاد ژەنی؟
مانشت! زاڵْ زەڕ! وامەنەی ساڵان!
پیرْ پرچ چەرمێ باوگْ ئەڤداڵان
تا تو گەورا بۊد، وساید وه پاوه؛
بنچینەی بەشەر، هزار تووك داوه…
خەمْ خوەراوای خان‌مەسۊر دێری
تووژاڵەی له زامْ دنیای دۊر دێری
زەڕەی شاپەروەر ها واراندەو
ها وه تەمەلۊلْ وەهاراندەو
ها چۊزەی نەوڕەسْ قەی داراندەو
ها وه سووسەن‌گوڵْ نساراندەو
ئاسووْم، هەسەڵْ كەنۊ دارْده
غەزەڵم، كەڵمەسْ قەی مەغارده
چەویڕد چۊ چەترْ دۊیەتەگانمه
داواند، داوانْ داڵگانمه
بەڕۊێد باوگه، وەند دایەمه،
كەیكووێد شێره، چروود سایەمه
نەوتۊلد، گوچانْ گەرْ دەسمه
ئاخڵەی مانگد پەچیەی پەسمه
نەورووزگوڵ خێزیا، هەی‌گوڵ هەی‌گوڵده
چۊ خوداپێ‌دای، دنیا وه دڵده
هەر چەن پەنجەتی كەپوو كەپووده
دنیا مەس له بوو ئەترْ شەوبووده
دنیای والەپەی سەقامێگ نەیرێ
چۊ گوڵ دو ڕووژه و دەوامێگ نەیرێ
ئی پرچْ سفیدْ بانْ باڵاده
جەورْ سەربەرزی ناو دێواڵاده
هەر دارْ بەرزێ سان خەنەو گژی
بزان ئەو داره بەر گرتیه بژی
ئۊشن گەوراماڵْ كەشكەشان، منم
ئەو كەسه كْ تۊیەمْ شێعر وەشان، منم
منیش گیانْ تەڕْ كوورسزێگ دێرم
كەفیدەو لا وام، بوو كزێگ دێرم
تیەنی نەمەزای بێ‌مزێگ دێرم
چەرداخْ بۊچگْ پایزێگ دێرم
ئەر تو نەۊیاتاید وه ستۊنْ مێ
دژمن فەتیره كرد له خۊنْ مێ
بەو تنیش چۊ مْ ئایەمی بكه
فكرێ پەی وەهارْ دایەمی بكه
سپاس بۆ کاک مەزدەک شاهمورادی
*مانشت: ناوی کێوێکی بەرز و خوەش تەرزە کە لە پشت شاری ئیلام هەڵکەوتووە. ناوی مانێشت لە کتێبی ئەڤێستادا هاتووە و بەپێی بۆچوونێک کەی مانوش، مانوش چیتر/ مەنوچەر پادشای پیشدادی/میتانی لەم شاخە لەدایک بووە.
بۆ بیستنی ‘مانشێت’: https://soundcloud.com/moradishoresh/meylem-we-ci-seid-ibadetyan-11
