چوار شه‌ممه‌ 28 تشرینی یه‌كه‌م 2020
ماڵەوە / کوردستان / ده‌‌ستکاریکردنی مین له لایه‌ن وه‌رزێڕێکی مهابادییه‌وه 5 قوربانیی لێکه‌وته‌وه

ده‌‌ستکاریکردنی مین له لایه‌ن وه‌رزێڕێکی مهابادییه‌وه 5 قوربانیی لێکه‌وته‌وه

به هۆی ده‌ستکاریکردنی مین له لایه‌ن و‌رزێڕێکی خه‌ڵکی ئاوایی به‌رده‌ڕه‌شان له سه‌ر رێگه‌ی مهاباد بۆ میاندواو، مینه‌که له ناو ماڵی ئه‌و وه‌رزێڕه ته‌قییه‌وه‌و له ئاکامدا کوڕێکی گیانی له‌ده‌ستداو خۆی‌و سێ که‌سی تر له ئه‌نجامانی بنه‌ماڵه‌که‌ی ره‌وانه‌ی نه‌خۆشخانه کران.به گوێره‌ی زانیارییه‌کانی زاگرۆس پۆست ته‌قینه‌وه‌که دوای ئه‌وه روویداوه وه‌رزێڕێکی خه‌ڵکی ئاوایی به‌رده‌ڕه‌شان‌ی مهاباد له‌گه‌ڵ دۆزینه‌وه‌ی مینێک له شێوه‌ی قوتو بردوویه‌ته‌وه ماڵ‌و هه‌وڵی کردنه‌وه‌ی داوه‌و دوای چه‌ند ده‌ستکاریکردنێکی پێیدا ته‌قیوه‌ته‌وه، به‌ڵام خۆی له ژیاندا ماوه‌و کوڕێکی ته‌مه‌ن 23ساڵی گیانی له‌ده‌ستداوه. جیا له‌و دوو که‌سه، سێ ئه‌ندامی تری بنه‌ماڵه‌که‌س بریندار بوون‌و گه‌یه‌نراونه‌ته نه‌خۆشخانه.

ده‌وترێت برینی دوو که‌س له ئه‌ندامانی ئه‌و بنه‌ماڵه‌یه‌ قورسه‌و پێویستیان به نه‌شته‌رگه‌ریی هه‌یه‌و بۆ ئه‌و مه‌به‌سته‌ش له ئێستادا له ژێر چاودێریی وردی پزیشکیدان.

 

بابەتی هاوپۆل

خنکانی چوار پەناخوازی خەڵکی سەردەشت لە ئاوەکانی فەرانسە

بەرپرسانی فەرانسە باسیان لەوە کردووە چوار پەناخوازی سەردەشتی کە ئەندامی بنەماڵەیەک بوون و دوو کەسیان …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.