چوار شه‌ممه‌ 13 تشرینی دووه‌م 2019
ماڵەوە / ئێران / سێناتۆرە ئەمریكیەكان: رێكەوتنی كۆتایی لەگەڵ ئێران دەبێ بریتیە بێ لە 20 ساڵ پشكنین

سێناتۆرە ئەمریكیەكان: رێكەوتنی كۆتایی لەگەڵ ئێران دەبێ بریتیە بێ لە 20 ساڵ پشكنین

سێناتۆرە پایە بەرزەكانی ئەمریكا رۆژی سێشەممە 24ی مانگی پووشپەڕ، خوازیاری ئەوە بوون كە رێكەوتنی كۆتایی سەبارەت بە بەرنامەی ئەتۆمی ئێران بریتی بێت لە لانیكەم 20 ساڵ پشكنینی دامەزراوە ئەتۆمیەكانی ئەو وڵاتە.
هەواڵنێریی فەرانسە لە زاری رابێر مێنندێز سەرۆكی كۆمیتەی پەیوەندییە دەرەكیەكانی سێنا و لیندزی گارهام ئەندامی حیزبی كۆماریخواز، نامەیەكیان سەبارەت بەو داواكارییە نووسیوە و بڕیارە لە هەفتەی داهاتوو رادەستی سەرۆك كۆماری ئەمریكای بكەن.

لەو نامەیەدا كە رۆژی سێشەممە لە كۆنگرەی ئەمریكا بڵاو كرایەوە، داواكراوە كە دوایین رێكەوتنە ئەتۆمیەكان لەگەڵ ئێران بریتی بێت لە بەرنامەیەكی تۆكمە بۆ پشكنین و تاقیكردنەوەیەكی درێژماوە كە لانیكەم نزیك بە 20 ساڵ بخاێنێت.

لە درێژەین نامەكەشدا هاتووە كە، پشكنێنەران دەبێ لە لایەن ئاژانسی نێودەوڵەتی وزەی ئەتۆمیەوە بە شێوەی ناكاو بێت و ئێرانیش ئیزنی پێویست بە پشكێنەرانی ئاژانس بدات تا هەموو دامەزراوە ئەتۆمیەكان، كەسەكان و بەڵگەكان بپشكنن.

دەوترێ، كۆمەلێكی دیكە لە سیاسەتداڕێژەرانی ئەمریكیش بڕیارە ئەو نامەیە واژۆ بكەن، تا لەو رێگەیەوە بە نزیك بوونەوە لە مۆڵەتی گەیشتن بە رێكەوتنی كۆتایی، گوشارەكانی سەر ئێران زۆرتر بكاتەەوە.

ئەمەش لەحاڵێكدایە كە، ئێران و وڵاتانی 5+1 لە هەوڵی ئەوەدان تا رۆژی یەكشەممە 20ی مانگی ژوئیە، رێكەوتنی كۆتایی لەسەر بەرنامەی ئەتۆمی كۆماری ئیسلامی واژۆ بكەن و ئێستاكە بۆ ئەو مەبەستە وتووێژگەلێكی چڕوپڕ لە لایەن هەردوولاوە لە ڤیەن بەڕێوە دەچێت.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.