چوار شه‌ممه‌ 20 تشرینی دووه‌م 2019
ماڵەوە / کوردستان / سپای پاسداران له ماکۆ بۆ روبه‌ڕوبونه‌و‌ی حزبه کوردیه‌کان ئه‌ندام گیری ده‌کات

سپای پاسداران له ماکۆ بۆ روبه‌ڕوبونه‌و‌ی حزبه کوردیه‌کان ئه‌ندام گیری ده‌کات

سپای پاسداران له شاری ماکۆی پارێزگای ورمێ بانگه‌وازی دامه‌رزاندنی چه‌کداری له‌ناو هاوڵاتییانی ئه‌و شاره‌و ناوچه‌کانی سه‌رسنوری باکوری کوردستان بڵاوکردووه‌ته‌وه‌و داوای لێکردون دژ به حزبه کوردییه‌کان چه‌ک هه‌ڵبگرن.

به پێی ئه‌و هه‌واڵانه‌ی بڵاو بووه‌ته‌وه سپای پاسداران له بانگه‌وازێکی نوێیدا داوای له خه‌ڵکی شارو ئاواییه‌کانی ده‌وروبه‌ری ماکۆ کردووه دژ به حزبه کوردیه‌کانی نه‌یاری کۆماری ئیسلامی چه‌ک هه‌ڵبگرن. سایتی نیسان‌نیوز له زاری سه‌رچاوه‌کانیه‌وه بڵاوی کردوه‌ته‌وه: ‘سپای پاسداران به بڵاوکردنه‌و‌ه‌ی ئه‌و بانگه‌وازه هه‌وڵ ئه‌دات هاوڵاتیان رازی بکات ببنه ئه‌ندام له رێکخراوه‌کانی به‌سیج‌و سپاو دژ به حزبه کوردیه‌کانی نه‌یاری رژیم هاوکارییان بکه‌ن.’

له بانگه‌وازه‌که‌دا وێڕای هه‌ڕه‌شه له لایه‌نگرو ئه‌ندامانی حزبه کوردیه‌کان‌و روو له خه‌ڵکی ئه‌و ناوچه‌یه هاتووه: ‘داوا له خه‌ڵک‌و هۆزه جه‌نگاوه‌ره‌کانی ماکۆو ده‌وروبه‌ری ده‌که‌ین له‌وه زیاتر بێعه‌داله‌تیی نه‌یارانی کۆماری ئیسلامی قبوڵ نه‌که‌ن‌و له پێناو پاراستنی ناموس‌و غیره‌ت‌و ماڵ‌و گیان‌و رۆڵه‌کان‌و ئاوو خاکیان چه‌ك هه‌ڵبگرن‌و تا له‌به‌ر یه‌ک هه‌ڵوه‌شانه‌وه‌یان وچان نه‌ده‌ن’.

پێشتر هه‌واڵی ئه‌ندام گیریی سپای پاسداران له ده‌وروبه‌ری کرماشان بۆ ئه‌گه‌ری روبه‌ڕوبونه‌وه‌ی داعش‌و به‌شداربوون له شه‌ڕی عێراق بڵاو بووه‌ته‌وه. به گوێره‌ی سه‌رچاوه‌کانی ئه‌لعه‌ره‌بیه له‌و باره‌وه تا ئێستا لانیکه‌م 24ئه‌ندامی سپای پاسداران له روبه‌ڕوبونه‌وه‌ی داعشدا کوژراون. وه‌ک ناسنامه‌ی به‌شێک له‌و کوژراوانه ده‌رکه‌وتووه، هاوڵاتیی کوردی تێدا نییه.

بابەتی هاوپۆل

تۆپباران کردنی بنکەکانی کۆمەڵە لە سەر سنوور

رژیمی کۆماری ئیسلامی بنکەکانی کۆمەڵەی زەحمەتکێشانی کوردستان لە سەر سنووری بۆردمان کرد. بە پێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.