شه‌ممه‌ 21 تشرینی یه‌كه‌م 2017
ماڵەوە / وتار / مۆراڵی کۆیلە/ ئه‌بوبه‌کر جاف

مۆراڵی کۆیلە/ ئه‌بوبه‌کر جاف

چرکەیەک نییە گوێمان لە پاڕانەوەو نزاو سواڵ و هەڵویستی کۆیلە نەبێت. لەمسی نەکەین ،بەرینەکەوین،نەمانکردبێت بە ناچارییەکی ڕۆحی و کەینونەیی،ئێستا لە کوێدا دانیشتویت و لە گەڵ هەرکەس بیت،بەرانبەر هەر شتێک بیت تۆ لە ناو ئەو پەیوەندییەدا کارت جێبەجیکردن و تەحقیقکردنی مۆرال و دونیابینی کۆیلەیە.
کۆیلە بون، پەیوەندی کۆیلایەتی هەرگیز مەرج نەبووە دەرکەوتنێکی ماتریالی و بابەتی و دیاریکراوی هەبێتڤ،کۆیلە بون دۆخە،کۆیلەبون نیگەرانی و دڕدۆنگی و زۆرجاریش ئاسودەی و ارامییەکی وەهمیە.پەیوەندی ئینسانێکی کوردی بەویترەوە (پەیوەندی سەردار/کۆیلەیە) بۆ کوردیک نە دەتوانێت سەرداربێت؟نە دەتوانێت قودرەت و ئیرادەی هەڵهاتن و ڕاکردن و یاخیبونی هەبێت لە کۆیلەبون و ئەو پەیوەندیانەی لە سەر بنەمای (عەقدیکی)نێوان کۆیلەو سەردار بەندە.کۆیلەبون مەستبونە بە پاساو برێکی زۆر ئیمانی ئیدۆلۆژی، کۆیلە بون ترسە،ترسێکە لە ونبون لە ئاستێکی کەینونەیی و وجودیدا،واتە ترسی لە دەستدانی ئەویتری سەردار،ئەم پەیوەندییەش دەکرێت بۆ ئێمەو بۆ ئینسانی کوردی وردبکرێتەوە بۆ پەیوەندی کوردێک بە مەزهەبەوە،بە بونێکی سیاسی-قانونی وەک دەوڵەتی عیراقەوە.

کۆیلە بون دەستبەردارنەبون و دەستنەبونەوەیە لە “برا”گەورەیەک کە نابێت لە هەمان نەسل و هەمان خوێن و هەمان وەچەو شەجەرەی خۆی بێت.کۆیلە بە ناچاری پێویستی بەویتری “نا-خودە).کۆیلەیەکی کوردی ناتوانێت لە گەڵ سەردارێکی نا-کوردیدا نەبێت کۆیلەیەتی تەحقیق بکات،وە سەرداربون و برا گەورەیی ئەویتر بەرهەمبهێنێتەوە.کۆیلەکان بۆ ئەوەی بە یەکەوە هەڵبکەن پێویستیان بە سەردارو براگەورەیەکی “غەریب و نا-کەس “هەیە.ئەویترێکی عەرەب،ئەویترێکی فارس ،ئەویترێکی تورک،ئەویترێکی نا-کورد جا هەرکەس و هەر بون و هێزێک بێت.کۆیلە هەمیشە سواڵی هاوپشتی و پشتیوانی و خێرو شەفەقەو بەزەیی و سۆزو میهرەبانی دەکات… .

هەرچوەڕوانییەک لەویتر، لە هەلومەرجی گونجاو، یان نالەباری و نەگونجانی هەلومەرج، ئاڵۆزی بارودۆخ، مەترسی و ترس و هەڕەشەی دەوروبەر…، ئەمانە ترس و ئیمان و دڵەڕاوکێی کۆیلەیە.بەڵام بە پێچەوانەوە مۆراڵی سەردار،ئەخلاقی سەردارێک’هەمیشە لە ناو خولقاندایە،سەردارێک چاوەڕوانی گونجان و لە باری هەلومەرج و پشتگیری و پشتیوانی ناکات.سەردارێک هەلومەرج دەخولقێنێت،لە ناو پۆتۆنسیالیتێ و مومکیناتدا ماکینەکانی خولقاندن و بەرهەمهێنان دەخاتە کار.مۆراڵی سەردارێک هیچ پەیوەندییەکی دیالێکتیکی بە ئەویترەوە نییە.

هیچ کات چاوەڕوانی ئەویتر ناکات،چاوەڕوانی ئەویتر ناکات کە کە کردارو پەرچەکرداری هەرچی بێت. سەردار،ڕۆحی ئەرستۆکراتیانەی سەردارێک شتێکی لا نییە ناوی “ئەویتر”بێت.ئەوەی هەیە ئیرادەی خۆیەتی،ئیرادەی هێزی خولقاندن،تێپەڕاندن.پەیوەندی ئیسنان و بڕێکی زۆر بە ئەویترەوە،بووە بە پەیوەندیەکی تەنگاوتەنگ،پێویستی و ناچاری…ئاخر ئەگەر وا نەبێت من چ سەروکارێکم بەوی ترەوە هەبێت تا ڕازی بێت ،تەنانەت وەک مەکرەمە و بەخشش و بەخشین “دەوڵەتی کوردی و بونێکی ئۆنتۆلۆژی،کەینونەیی،سیاسیم”پێ ڕەوا ببینێت.ئەم ئیرادەیەو بەستنەوەی ئەم ئیرادەیە بەویترەوە بێئەملاو ئەولا،بێ یەک و دوو مۆراڵی کۆیلەیە.

 

بابەتی هاوپۆل

پاسخ کوتاه‌ يک “ناسيوناليست کرد” به‌ ” حقيقت هاي تاريخي ضربدر ناسيوناليسم کرد ” آقاي ايرج فرزاد

کامران امين آوه‌