سێ شه‌ممه‌ 12 تشرینی دووه‌م 2019
ماڵەوە / کوردستان / ئاواره‌کانی رۆژهه‌ڵات له باشوور هاوکاریی ئاواره‌کانی عێراقیان کرد

ئاواره‌کانی رۆژهه‌ڵات له باشوور هاوکاریی ئاواره‌کانی عێراقیان کرد

ژماره‌ی زۆری ئاواره‌کانی عێراق له شاره گه‌وره‌کانی باشووره‌وه گه‌یشته ناو که‌مپی ئاواره‌کانی رۆژهه‌ڵات‌و رۆژهه‌ڵاتیه‌کانیش به گه‌رمی میواندارییان کردن.

سایتی هاوڵاتی له هه‌واڵێکدا بڵاوی کردووه‌ته‌وه ژماره‌یه‌ک له ئاواره‌کانی ته‌له‌عفه‌ر دوای ئه‌وه‌ی ناچار بوون شاره‌که‌یان به جێ بهێلن چوونه‌ته که‌مپی کاوه که تایبه‌ته به ژماره‌یه‌ک له په‌نابه‌رانی رۆژهه‌ڵات‌و له‌وێ به گه‌رمی پێشوازییان لێکراوه.

له‌وباره‌وه سه‌رچاوه‌که له زاری دوو لاوی که‌مپه‌که‌وه به ناوه‌کانی سامان ئه‌لیاسی‌و عوسمان که‌ره‌می نوسیویه‌تی دوای گه‌یشتنی ئاواره‌کان‌و حه‌وانه‌وه‌یان له‌و که‌مپی کاوه، گروپێک له لاوانی ناو ئه‌و که‌مپه ده‌ستیان کردووه به کۆکردنه‌وه‌ی که‌ره‌سته‌ی سه‌ره‌تایی‌و خواردن‌و هه‌ندێک پاره‌شیان بۆ کۆکردونه‌ته‌وه.

ئاواره‌کانی که‌مپی کاوه نزیکه‌ی 240که‌سن‌و به زۆری خه‌ڵکی شاره‌کانی سه‌رسنووری پارێزگای کرماشان‌و باشوورن، ده‌وترێت له ساڵی 2003و دوای رووخانی رژیمی سه‌دام حسه‌ینه‌وه له که‌مپی ئه‌ڵتاش گوازراونه‌ته‌وه بۆ ئه‌و شوێنه. ئه‌‌و که‌مپه له سه‌ر رێگه‌ی که‌رکوک بۆ هه‌ولێر هه‌ڵکه‌وتووه‌و دانیشتوانیشی به هۆی شه‌ڕی 8ساڵه‌ی کۆماری ئیسلامی_ به‌عس ماڵ‌و حاڵیان به جێ هێشتووه‌و تا ئێستا نه‌گه‌ڕاونه‌ته‌وه شوێنی خۆیان.

 

 

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.