سێ شه‌ممه‌ 19 تشرینی دووه‌م 2019
ماڵەوە / جیهان / هەزاران موشەكی شیمیایی لە دەستی داعشدایە

هەزاران موشەكی شیمیایی لە دەستی داعشدایە

كاربەدەستانی عێراقی رایانگەیاندووە كە كارخانەی بەرهەمهێنانی چەكی شیمیایی عێراق كە لە ناوچەی پیشەسازیی ئەلمۆسەنا لە باكووری رۆژئاوایی عێراق هەڵكەوتووە ئێستا لە دەستی داعشدایە.

بە پێی هەواڵەكان لەوبارەوە، محەمەد عەلی حەكیم نوێنەری هەمیشەیی عێراق لە رێكخراوی نەتەوەیەكگرتووەكان لە نامەیەكدا بۆ بان كیمۆن سكرتێری ئەو رێكخراوەیە راگەیاندووە كە كارخانەی بەرهەمهێنانی چەكی شیمیایی عێراق لە ناوچەی پیشەسازیی ئەلمۆسەنا ئێستا لە دەستی داعشدایە.

دەوترێ ئەو ناوەندە بەرهەمهێنانەی چەك كە نزیك بە 2500 موشەكی هەڵگری گازی ئەعساب لەوانە گازی سارین و گازی خەردەڵ و هەروەها بە دەیان تۆن مەوادی دروستكردنی چەكی شیمیایی لەخۆ دەگرێت، ئێستا لە دەستی رێكخراوی داعشدایە.

هەروەها رێكخراوی نەتەوەیەكگرتووەكان رایگەیاندووە كە لە مانگی ژوەنی زایینی لە عێراپ بە هۆی كردەوە تێرۆریستی و دژەمرۆییەكانەوە 2417 شارۆمەند لەوانە 1531 شارۆمەندی مەدەنی كوژراون.

ئەمەش لەحاڵێكدایە كە لەم دوایانەدا هێزە ئەمنیەتیەكانی عێراق تەرمی 53 كەسیان لە شارۆچكەیەك لە باشووری عێراق كوژراون، دۆزیوەتەوە. ئەو ناوچەیە لە ناوەڕاستی عێراقدایە زۆربەی دانیشتووانەكەی شیعە مەزهەبن و لە ماوەی چەند هەفتەی رابردوودا شوێنی چالاكی و هەڵسووڕانی هێزەكانی داعش بووە.

بابەتی هاوپۆل

تۆپباران کردنی بنکەکانی کۆمەڵە لە سەر سنوور

رژیمی کۆماری ئیسلامی بنکەکانی کۆمەڵەی زەحمەتکێشانی کوردستان لە سەر سنووری بۆردمان کرد. بە پێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.