چوار شه‌ممه‌ 20 تشرینی دووه‌م 2019
ماڵەوە / مافی مرۆڤ / له سنوری پیرانشار ته‌قه له کۆڵبه‌ره‌کان کرایه‌وه

له سنوری پیرانشار ته‌قه له کۆڵبه‌ره‌کان کرایه‌وه

دوو هاوڵاتیی خه‌ڵکی ئاوایی ‘کۆنه‌لاجان’ له ناوچه‌ی پیرانشار به هۆی ته‌قه‌ی راسته‌وخۆی هێزه‌کانی سنورپارێزی کۆماری ئیسلامییه‌وه به توندی بریندار کراون‌و ئێسته له نه‌خۆشخانه‌ی شاری هه‌ولێرن.

بەپێی راپۆرتی ئاژانسی هەواڵدەریی كوردپا، دوو كۆڵبەر بە ناوەكانی ئەیوب سۆفی محەممەدی، تەمەن ٣٧ ساڵ و كوڕی وەستا حوسێن‌و مراد ئیبراهیمی، تەمەن ٢٢ ساڵ لە كوێستانەكانی”گەلی حاجی برایم”‌ی سەر بە پیرانشار بە هۆی تەقەی هێزە نیزامییەكانەوە بریندار بوون. ئەو دوو هاووڵاتییە بەمەبەستی كۆڵبەری روویان لەسنوورەكان كردبوو.

 ئەیوب و حوسێن بە مەبەستی چارەسەریی بردرابوونەوە نەخۆشخانەی قەزای چۆمان لەهرێمی كوردستان و دواتر بە هۆی سەختی برینەكانیانەوە رەوانەی نەخۆشخانەی فریاکەوتنی شاری هەولێر كراون.

ساڵانە بە سەدان كۆڵبەری كورد دەبنە قوربانیی دەستی هێزە نیزامییەكانی حكومەتی ئیسلامیی ئێران‌و لەو پەیوەندییەشدا هیچ ناوەندێک خۆی بە بەرپرسیار نازانێ‌و خوێنی ئەو كۆڵبەرانە بە فیڕۆ دەچێت.

بێجگە لە دەستڕێژی گولەی هیزە چەکدارەکان، كەوتنە سەر مین، سەرمابردوویی، خنكان لەئاوو هەڵدێران ‌و دەیان رووداوی دیکە، ئەو مەترسیانەن كە بە بەردەوامی هەڕشە لەگیانی كۆڵبەران دەكەن.

بابەتی هاوپۆل

تۆپباران کردنی بنکەکانی کۆمەڵە لە سەر سنوور

رژیمی کۆماری ئیسلامی بنکەکانی کۆمەڵەی زەحمەتکێشانی کوردستان لە سەر سنووری بۆردمان کرد. بە پێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.