چوار شه‌ممه‌ 13 تشرینی دووه‌م 2019
ماڵەوە / مافی مرۆڤ / ئوردون هێرشی کرده سه‌ر ئاواره رۆژهه‌ڵاتیه‌کان

ئوردون هێرشی کرده سه‌ر ئاواره رۆژهه‌ڵاتیه‌کان

شه‌وی رابردوو هێزێکی ئه‌رته‌شی ئوردون هێرشی کرده سه‌ر ئاواره کوره‌کانی رۆژهه‌ڵات‌ له سه‌ر سنوری عێراق‌‌و به به‌کارهێنانی چه‌کی قورس ئه‌و سنووره‌ی کۆنترۆڵ کرد.

به گوێره‌ی زانیارییه‌کانی زاگرۆس پۆست شه‌وی رابردوو هێزه سه‌ربازییه‌کانی ئوردون هێرشی کرده سه‌ر كوردانی رۆژهەڵات شەوی رابردوو هێزێكی چەكداری سوپای ئوردون بە به‌کارهێنانی تانک سنوری نێوان عێراق‌و ئورودن‌و دەروازەی سنوریی عێراقی كۆنترۆڵ کرد.

له پێوه‌ندییه‌کی ته‌له‌فونیدا خەبات محەمەدی، یەكێك لەو كوردانەی رۆژهەڵات رایگەیاند: دوای ئه‌وه‌ی مه‌ترسیی داعش بۆ سه‌ر ژیانمان زۆر بوو، نیوەرۆی دوێنێ دوشەممە لەلایەن هێزه‌کانیعێراقەوە بۆ بۆشایی سنوریی نێوان ئوردۆن‌و عێراق لەنزیك ترێبیل بەڕێكراین كە ناوچەیەكی ئارامه، بەڵام پاش كاتژمێر 12 شەوی رابردوو هێزێكی ئوردونی بە تانک‌و چەكی قورسەوە هاتنە سەرمان‌و بە توندی هەڵسوكەوتیان لەگەڵ كردین‌و پاش ئەوەی دەستیان بەسەر خێمە‌و كەلوپەلەكانماندا گرت رەوانەی سنوری عێراقیان كردینەوە.

ئه‌و سه‌رچاوه‌یه ئاماژه‌ی به‌وه‌ش کرد: ئێستا هێزی ئورودن دەستی بەسەر دەروازەی سنوری عێراق لەو ناوچەیە گرتووە‌و وەك ناوچەی شەڕ مامه‌ڵه‌ی لەگەڵدا دەكات. ئێمە نزیكەی 100 كەس دەبین كە زۆربەیان ژن‌و منداڵن‌و ئێستا لە دۆخێكی زۆر دژواردا دەژین‌و لە ناوچەیەكداین كە ئەگەری هێرشی داعشمان لەسەرە‌و ژیانمان لەمەترسیدایە.

خەبات محەمەدی داواشی لە حكومەتی هەرێمی كوردستان كرد لە رێگەی پەیوەندییەكانیان لەگەڵ رێكخراوە نێودەوڵەتییەكانی مافی مرۆڤ‌و حكومەتی ئوردون هەیانە هەوڵبدەن حكومەتی ئورودنی ئەوان بگرێتەخۆی‌و پەنایان بدات. كوردانی رۆژئاوای سنوری ئوردون سوریا پێشتر لە كەمپی وەلید نیشتەجێكرابوون كە لەترسی هێزەكانی داعش بەرەو ناوچەی رەتەبە‌و ترێبیل گوازرانەوە.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.