دوو شه‌ممه‌ 11 كانونی یه‌كه‌م 2017
ماڵەوە / جیهان / دوایین وه‌زیری ده‌ره‌وه‌ی سۆڤیه‌ت کۆچی دوایی کرد

دوایین وه‌زیری ده‌ره‌وه‌ی سۆڤیه‌ت کۆچی دوایی کرد

دوێنێ دووشه‌مه ئێدوارد شواردنادزه دوایین وه‌زیری ده‌ره‌وه‌ی سۆڤیه‌ت‌و یه‌که‌م سه‌رکۆماری گورجستان له ته‌مه‌نی 86ساڵیدا کۆچی دوایی کرد.

ئێدوارد شواردنادزه دوایین وه‌زیری ده‌ره‌وه‌ی سۆڤیه‌ت له دوای هه‌ره‌سی ئه‌و یه‌کێتییه بۆ ماوه‌ی 8ساڵی له نێوان ساڵه‌کانی 1995 تا 2003 سه‌رۆکایه‌تیی کۆماری گورجستان‌ی له ئه‌ستۆ بوو.

ناوبراو دوای په‌ره‌سه‌ندنی خۆپیشاندانه جه‌ماوه‌رییه‌کان له وڵاته‌ه‌ی که به ‘شۆڕشی گوڵی سور’ له ساڵی 2003 ناسرابوو ده‌ستی له کار کێشایه‌وه.

ئاژانسی ده‌نگوباسی فه‌رانسه بڵاوی کردوه‌ته‌وه ناوبراو به ههۆی نه‌خۆشینه‌وه کۆچی دوایی کردووه.

ئێدوارد شواردنادزه له رێکه‌وتی 25ژانویه‌ی 1928 له ئاوایی ماماتی له گورجستان له دایکبوو. ده‌وترێت ناوبراو وێڕای میخاییل گورباچۆڤ ده‌ستی سه‌ره‌کیی هه‌‌بووه له هه‌ره‌سی سۆڤیه‌ت دوای کۆتایی شه‌ڕی ساردو به‌و هۆیه‌شه‌وه دوابه‌دوای ئه‌و رووداوه‌ له ناو کۆڕوکۆمه‌ڵی رۆژاوادا ناوبانگی ده‌رکرد.

 

 

بابەتی هاوپۆل

کاسبکارێکی کورد بە هۆی دەستڕێژی ھیزەکانی رژیم بریندار بوو

کاسبکارێکی دیکەی کوردی خەڵکی شاری سنە لە لایەن ھێزەکانی رژیمەوە بریندار و رەوانەی بەشی ئای …