زاگرۆس پۆست
كۆماری ئیسلامی لە ماوەی چەند رۆژی رابردوو لە سنوورەكانی نێوان رۆژهەڵات‌و باشووری كوردستان پاسدارو كۆمەڵێك هێزی تایبەتی رەوانەی باشووری كوردستان كردووە.
بە پێی هەواڵێكە بە ناوەندی هەواڵنێریی زاگرۆس پۆست گەیشتووە، كۆماری ئیسلامی لە رێگەی سنوورەكانی هەرێمی كوردستان‌و لە رێگە فەرمیەكان كۆمەڵێك لە پاسدارو هێزەكانی خۆی بە سەیارەی تایبەت رەوانەی باشوری كوردستان كردووە.
بە وتەی چاودێران ناردنی ئەو كەسانە بۆ باشوری كوردستان پەیوەندی بە دۆخی ئەم دواییانەی عێراقەوە هەیە كە لە ماوەی رابردوو هاتوەتە ئاراوە‌و هێزەكانی ناسراو بە داعش دەستیان بەسەر زۆربەی ناوچە سوننەكانی عێراقدا گرتووە.
شایانی باسە، بە پێی وتەی چالاكانی سیاسی كۆماری ئیسلامی بەم دۆخەی لە عێراق هاتوەتە ئاراوە نیگەرانە‌و لەوانەیە ناردنی ئەو كەسانە بۆ هەرێمی كوردستان، پرۆژەیەكی ئەمنیەتی لە پشتەوە بێت.
