پێنج شه‌ممه‌ 19 تشرینی یه‌كه‌م 2017
ماڵەوە / کوردستان / فراکسیۆنی پارتی: ‘ئێران مافی ده‌ستێوه‌ردان له کاروباری ناوخۆیی هه‌رێمی نییه’

فراکسیۆنی پارتی: ‘ئێران مافی ده‌ستێوه‌ردان له کاروباری ناوخۆیی هه‌رێمی نییه’

سه‌باره‌ت به ده‌نگدانه‌وه‌ی هه‌وڵه‌کانی راگه‌یاندنی سه‌ربه‌خۆیی کوردستان، ئومید خۆشناو سه‌رۆکی فراکسیۆنی زه‌رد له پارلمانی کوردستان دوێنێ پێنجشه‌مه وڵامی تێبینیه‌کانی کۆماری ئیسلامیی له سه‌ر راگه‌یاندنی سه‌ربه‌خۆیی کوردستان داوه‌ته‌وه.

له‌باره‌وه رادیۆ ناوخۆ له زاری سه‌رۆکی فراکسیۆنی پارتی له پارلمانی کوردستان بڵاوی کردووه‌ته‌وه: ‘پێویسته ده‌سته‌ی سه‌رۆکایه‌تیی پارلمان ب زوترین کات وڵامی هه‌ر لێدوانێکی دراوسێکان بداته‌وه که دژ به خواستی سه‌ربه‌خۆیی کورد ده‌درێت’.

خۆشناو رایگه‌یاندووه ده‌وڵه‌تی ئێران مافی ئه‌وه‌ی نییه ده‌ست له کاروباری ناوخۆیی هه‌رێمی کوردستان وه‌ربدات‌و دوپاتی کردووه‌ته‌وه که هه‌رێمی کوردستان له سه‌ر هێڵی مافی مرۆڤ‌و ئازادی‌و پێشکه‌وتن ده‌ڕوات که په‌سه‌ندکراوی وڵاتانی جیهانه.

سه‌باره‌ت به ڕیار له سه‌ر چاره‌نوس‌و داهاتوی هه‌رێمی کوردستانیش، خۆشناو وتویه‌تی ئه‌وه هاوڵاتیانی هه‌رێمی کوردستانن که ئه‌و بڕیاره ده‌ده‌ن، نه‌ک وڵاتانی هه‌رێمی‌. ئومید خۆشناو باسی له‌وه‌ش کردووه  به مه‌به‌ستی چاره‌سه‌رکردنی ئه‌و پرسه به رێگه‌چاره‌ی یاسایی فراکسیۆنی پارتی به پرۆژه یاسایه‌ک وڵامی ئه‌و لێدوانانه‌ی ئێران ده‌داته‌وه.

بابەتی هاوپۆل

رۆژهەڵاتی کوردستان: 6 بەندکراوی کورد ئازاد کران

شەش بەندکراوی خەڵکی شارەکانی شنۆ، سنە، ورمێ‌و کرماشان بە دانانی بارمتەی 930 ملیۆن تمەن بو …