چوار شه‌ممه‌ 20 تشرینی دووه‌م 2019
ماڵەوە / سیاسی / کۆماری ئیسلامی: له پێناو یه‌کڕیزیی عێرقدا هه‌موو شتێک ده‌که‌ین

کۆماری ئیسلامی: له پێناو یه‌کڕیزیی عێرقدا هه‌موو شتێک ده‌که‌ین

دوای راگه‌یاندنی ئاماده‌کاریی باشووری کوردستان بۆ به‌ڕێوه‌بردنی راپرسی له‌سه‌ر جیابونه‌وه‌ی باشووری کوردستان له عێراق‌ کاردانه‌وه‌‌کان زیاتر بووه‌و جێگری وه‌زیری ده‌ره‌وه‌ی کۆماری ئیسلامی هه‌ڕه‌‌شه‌ی له هه‌رێمی کوردستان کردووه.

هه‌واڵد‌ریی رۆیتێرز بڵاوی کرده‌وه‌ ‘حسه‌ین ئه‌میر عه‌بدوڵاهیان’ جێگری وه‌زیری ده‌ره‌وه‌ی کۆماری ئیسلامی له‌سه‌ردانی ئه‌مڕۆی بۆ مۆسکۆی پایته‌ختی روسیه ئامریکای به فاکته‌ری قه‌یرانی عێراق زانیوه‌وه‌و رایگه‌یاندووه‌ ئامریکا به‌و کاره‌ی ئه‌یه‌وێت بارودۆخێکی هاوشێوه‌ی ئۆکراین له عێراق دروست بکات.

ئه‌و سه‌رچاوه‌یه له زاری ناوبراوه‌وه‌ بڵاوی کردووه‌ته‌وه ئه‌وه‌ی له عێراقدا رووده‌دات شه‌ڕێکی ده‌رونیه که له لایه‌ن داعش‌ه‌وه به مه‌به‌ستی ئاڵۆزکردنی ناوچه‌که رێکخراوه. ئه‌و به‌رپرسه‌ی کۆماری ئیسلامی له کاردانه‌وه به کۆبوونه‌وه‌ی مه‌سعود بارزانی سه‌رۆکی هه‌رێمی کوردستان له‌گه‌ڵ پارله‌مانی هه‌رێم به مه‌به‌ستی دیاریکردنی کاتی به‌ڕێوه‌چوونی راپرسی له سه‌ر جیابونه‌وه‌ی کوردستان له عێراق رایگه‌یاندووه: ‘ئێران دڵنیایه له‌وه‌ی هه‌رێمی کوردستان سه‌رکرده‌ی ژیریشی تیایه که بیر له جیابونه‌وه له عێراق ناکه‌نه‌وه’.

ناوبراو ده‌ستێوه‌ردانی سه‌ربازیی له ئێسای عێراقدا ره‌دکردووه‌ته‌وه‌و رایگه‌یاندووه ئێران له ئێستادا هیچ هێزێکی له عێراقدا نییه‌، به‌ڵام ئاماده‌یه بۆ ناردنی یارمه‌تیی سه‌ربازیی بۆ عێراق، به‌ڵام تا ئێستا حکومه‌تی به‌غدا ئه‌و داوایه‌ی لێ نه‌کردوون.

 عه‌بدوڵاهیان ئاماژه‌ی به‌وه‌ش کردووه پێویسته هه‌موو رێگه‌یه‌ک بگیرێته به‌ر بۆ به‌رگرتن به لێکترازانی عێراق‌و ئێران له‌و پێناوه‌دا هه‌موو کارێک ده‌کات.

منبع: فارس

بابەتی هاوپۆل

تۆپباران کردنی بنکەکانی کۆمەڵە لە سەر سنوور

رژیمی کۆماری ئیسلامی بنکەکانی کۆمەڵەی زەحمەتکێشانی کوردستان لە سەر سنووری بۆردمان کرد. بە پێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.