هه‌ینی 14 كانونی یه‌كه‌م 2018
ماڵەوە / هەواڵ / براکه‌ی ‘ته‌های که‌ریمی’ش جوانه‌مه‌رگ بوو

براکه‌ی ‘ته‌های که‌ریمی’ش جوانه‌مه‌رگ بوو

ئومید که‌ریمی برای بچوکتری هونه‌رمه‌ندی کۆچکردوو ته‌های که‌ریمی سه‌رله‌به‌یانیی دوێنێ پێنجشه‌مه به هۆی نه‌خۆشیی کتوپڕیه‌وه له شارۆچکه‌ی سۆران کۆچی دوایی کرد.

سایتی KNN له هه‌واڵێدا له‌و باره‌وه بڵاوی کردووه‌ته‌وه: پاشنیوه‌ڕۆی ئه‌مڕۆ(دوێنێ پێنجشه‌مه) رۆژنامه‌نوسی كامێرامان ‘ئومێد كه‌ریمی’ كه‌ ته‌مه‌نی 28 ساڵه‌ و برای هونه‌رمه‌ندی سینه‌ماكاری كۆچكردوو ته‌های كه‌ریمییه‌، به‌ نه‌خۆشییه‌كی كتوپڕ له‌ نه‌خۆشخانه‌یه‌كی قه‌زای سۆران گیانی له‌ده‌ستدا.

ئه‌و سه‌رچاوه‌یه ده‌ڵێت: به‌ وته‌ی پزیشكه‌ چاودێره‌كان، ئومێدی كه‌ریمی، ئێواره‌ی چوارشه‌مه‌ و له‌كاتی نانخواردندا كه‌وتوه‌ و شه‌وی رابردوو له‌ژێر چاودێری پزیشكدابووه‌ له‌ نه‌خۆشخانه‌ی سۆران، به‌ڵام نیوه‌ڕۆی ئه‌مڕۆ و دوای گواستنه‌وه‌ی بۆ نه‌خۆشخانه‌ی ئاشتی، به‌داخه‌وه‌ گیانی سپاردووه‌.

عه‌بدولره‌حمان ئه‌بوبه‌كری هاوڕێی خوالێخۆشبوو رایگه‌یاند: به‌ درێژایی دوێنێ و تاكاتی نانخواردنی ئێواره‌ش ئومێد كه‌ریم هیچ كێشه‌یه‌كی ته‌ندروستی نه‌بووه‌ و به‌ گوڕ و تین و دڵسۆزییه‌وه‌ كاره‌ رۆژنامه‌وانییه‌كانی جێبه‌جێكردووه‌، به‌ڵام له‌كاتی نانخواردنی ئێواره‌دا له‌پڕا نه‌خۆشكه‌وت.

هاوكات نه‌به‌ز ئه‌حمه‌د، به‌رپرسی نوسینگه‌ی سۆران به‌ KNNی رایگه‌یاند؛ سه‌رله‌به‌یانی ئه‌مڕۆ له‌ نه‌خۆشخانه‌ سه‌ردانی ئومێد كه‌ریمی كردووه‌ و ته‌ندروستی جێگیربووه‌ و ویستویانه‌ له‌ نه‌خۆشخانه‌وه‌ بیهێننه‌وه‌ بۆ ماڵه‌وه‌، به‌ڵام تیمی ته‌ندروستی رێگه‌یان نه‌داوه‌ و رایانگه‌یاندووه‌ ده‌بێت له‌ژێر چاودێریدا بمێنێته‌وه‌.

كامێرامانی رۆژنامه‌نوس ئومێد ئه‌حمه‌د شه‌ریف، له‌دایكبووی ساڵی 1986ی شاری بانه‌ی رۆژهه‌ڵاتی كوردستانه‌ و تازه‌ هاوسه‌رگیری كردووه‌ و ماوه‌ی ساڵێكه‌ وه‌ك كامێرامان له‌ كه‌ناڵی KNN كارده‌كات، له‌ماوه‌ی كاركردنیدا نمونه‌ی گه‌نج و رۆژنامه‌نوسی راستگۆ و دڵسۆزبووه‌.

 

 

 

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.