چوار شه‌ممه‌ 12 كانونی یه‌كه‌م 2018
ماڵەوە / ئێران / راپۆرتێک: هێزه‌کانی کۆماری ئیسلامی به‌ مه‌به‌ستی شه‌ڕکردن چوونه‌ته عێراق

راپۆرتێک: هێزه‌کانی کۆماری ئیسلامی به‌ مه‌به‌ستی شه‌ڕکردن چوونه‌ته عێراق

به گوێره‌ی راپۆرتێک که رۆژی پێنجشه‌مه‌ی رابردوو رۆژنامه‌ی واڵ ستریت ژورناڵ بڵاو کردووه‌ته‌وه کۆماری ئیسلامیی ئێران به‌مه‌به‌ستی به‌رگری کردن له حکومه‌تی مالکی‌و بۆ روبه‌ڕوبونه‌وه‌ی پێشڕه‌ویی داعش به‌ره‌و به‌غدا هێزێکی زۆری له دوو پارێزگای ورمێ‌و لوڕستانه‌وه ناردووه‌ته‌ سامه‌ڕا.

ئه‌و سه‌رچاوه‌یه له زاری به‌رپرسێکی ئێرانییه‌وه ئاشکرای کردووه له رۆژانی رابردوودا ئه‌و هێزه دوای راوێژی سپای پاسداران به لایه‌نه پێوه‌ندیداره‌کانی رژیمی ئێران نێردراونه‌ته عێراق‌‌و پشتیان به هێزو ته‌قه‌مه‌نیی خۆیان به‌ستووه له به‌رگریکردن له ئه‌رته‌شی عێراق.

له لایه‌کی تره‌وه ئه‌مڕۆ کاناڵی cnn راپۆرتێکی له سه‌ر ناردنی هێز له کۆماری ئیسلامی بۆ عێراق بڵاو کردووه‌ته‌وه‌و رایگه‌یاندووه ئێران به مه‌به‌ستی به‌رگرتن به رووخانی ده‌سه‌ڵاتی مالکی سێ گوردان هێزی شه‌ڕکه‌ری به چه‌ک‌و پێداویستییه‌کانیانه‌وه ناردووه‌ته ناو عێراق.

راگه‌یاندنه‌کانی ئێران راسته‌وخۆ ئاماژه‌یان به ناردنی هێز بۆ عێراق نه‌کردووه، به‌ڵام به گه‌رموگوڕی بانگه‌شه بۆ شه‌ڕکردن دژ به داعش ئه‌که‌ن‌و فتوای مه‌رجه‌ع ته‌قلیده‌کانی شیعه له عێراق بڵاو ئه‌که‌نه‌وه که خه‌ڵکیان هانداوه دژ به داعش چه‌ک هه‌‌ڵبگرن.

هاوکات له زۆربه‌ی هه‌واڵه‌کانی پێوه‌ندیدار به ده‌ستێوه‌ردانی کۆماری ئیسلامی له عێراق به‌م دواییانه هه‌واڵی سه‌ردانی به‌په‌له‌ی قاسم سلێمانی‌ش بۆ به‌غدا بڵاو بووه‌ته‌وه‌؛ ده‌وترێت سلێمانی له سه‌رانه‌کانیدا له‌گه‌ڵ به‌رپرسه سه‌ربازییه‌کانی هێزه‌کانی مالکی سه‌باره‌ت به شێوازه‌کانی روبه‌ڕوبونه‌وه‌ له‌گه‌ڵ داعش بڕیارده‌ر بووه.

بابەتی هاوپۆل

رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.