هه‌ینی 14 كانونی یه‌كه‌م 2018
ماڵەوە / کوردستان / پێشمه‌رگه به‌رده‌وامه له پێشڕه‌وی: قه‌ره‌ته‌په‌و جه‌له‌ولا له لایه‌ن هێزه‌کانی عێراقه‌وه چۆڵکران

پێشمه‌رگه به‌رده‌وامه له پێشڕه‌وی: قه‌ره‌ته‌په‌و جه‌له‌ولا له لایه‌ن هێزه‌کانی عێراقه‌وه چۆڵکران

ئه‌مڕۆ هه‌ینی له درێژه‌ی رووخانی توانای به‌رگریی‌و وره‌ی هێزه‌کانی ئه‌رته‌شی عێراق به‌تایبه‌ت له ناوچه‌کانی سنووری ماده‌ی 140 دوو شاری تر له لایه‌ن هێزه‌کانی عێراقه‌وه چۆڵکران‌و پێشمه‌رگه جێیانی گرتووه‌ته‌وه.

به گوێره‌ی ئه‌و زانیارییانه‌ی سه‌رچاوه‌کانی هه‌واڵ له به‌ره‌کانی شه‌ڕی داعش بڵاو بووه‌ته‌وه‌ گوندی ته‌لوه‌ردو مه‌لا عه‌بدوڵا له باشووری پارێزگای که‌رکوک له ده‌ستی داعش رزگار کراون‌و هه‌ریه‌که له شارۆچکه‌کانی قه‌ره‌ته‌په‌و جه‌له‌ولا بێ ته‌قه له لایه‌ن پێشمه‌رگه‌ کۆنترۆڵ کراوه.

ده‌وترێت جگه له‌و ناوچانه چه‌ند شوێنی تر له موسڵ که‌وتووه‌ته ده‌ست پێشمه‌رگه وه‌ک زومارو ته‌واوی ناوچه‌ی شنگال. سه‌رله‌به‌یانیی ئه‌مڕۆ پارێزگاری که‌رکوک له کاردانه‌وه به میدیاکانی راگه‌یاند’هێزه‌کانی عێراق له که‌رکوک پاشه‌کشێیان نه‌کرد، به‌ڵکه رووخان’. به گوێره‌ی ئه‌و زانیارییانه له زۆربه‌ی ناوچه‌کانی سنووری 140 هێزه‌کانی سه‌ر به مالکی نه‌گه‌ڕاونه‌ته‌وه بۆ به‌غدا، به‌ڵکه هه‌ڵوه‌شاونه‌ته‌وه‌و جل‌و ته‌قه‌مه‌نییه‌کانیان به جێهێشتووه‌و به‌ره‌و شوێنی نادیار رایان کردووه.

وێنه‌کان: سه‌لام نه‌جیبه/ خانه‌قی

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.