سێ شه‌ممه‌ 11 كانونی یه‌كه‌م 2018
ماڵەوە / کوردستان / موعەلیمانی سەقز: موزەفەر رۆستەمی هۆکاری گرفتەکانی پەروەردەیە

موعەلیمانی سەقز: موزەفەر رۆستەمی هۆکاری گرفتەکانی پەروەردەیە

كۆمەڵێك لە موعەلیمی قوتابخانەكانی شاری سەقز لە ناڕەزایەتی بە كردەوەكانی موزەفەر رۆستەمی بەرپرسی وەزارەتی پەروەردەی ئەو شارە ناڕەزایەتی دەردەبڕن.

حامید یەزدانی كە یەكێك لە موعەلیمانی ناڕازیە ئاماژەی بەوەكردووە، كەش‌و هەوای نێو وەزارەتی پەروەردەی سەقز تەواو داخراوو هیچ وڵامدانەوەیەكی نیە‌و هیچ متمانیەك تێیدا بوونی نیە‌و هاوكات كەشێكی تەواو ئەمنیەتی بەسەر ئەو وەزارەتە كە بە هاوكاری موزەفەر رۆستەمی بەڕێوەدەچێت لە رابردوو زیاتر رەنگی داوەتەوە.

هاوكات تاهیر قادرزادە یەكێكی دیكە لە موعەلیمە ناڕازیەكان رایگەیاند، لە خەزەڵوەری ساڵی 1392 كۆی 184 موعەلیم بە نووسینی نامەیەك داوامان لە موزفەر رۆستەمی بەرپرسی پەروەردەی سەقز كرد بۆ ئەوەی وڵامی پرسیارەكانمان بداتەوە‌و بەشداریی لە كۆبوونەوەیەكدا بكات كە ئەویش بێ وڵام مایەوە.

ئەحمەد قادریش باسی لەوەكرد مەسەلەیەكی دیكە پرسی زمانی كوردیە كە بڕیار بوو رێك بخرێت بەڵام دیسان لە لایەن بەرپرسی وەزارەتی پەروەردەی سەقز بە بیانووی ئەوە نایاساییە پشتگوێ خرا.

لە لایەكی دیكەشەوە خالید شێخی یەكێكی دیكە لە موعەلیمانی ناڕازی رایگەیاندووە، بەڵێنەكانی دەوڵەتی روحانی لە بابەت كرانەوە‌و گەشەی دامەزراوە مەدەنی‌و پیشەییەكان جێبەجێ نەكراوە‌و ئەمەش گرفتێكی دیكەی سەر رێی ئێمەیە كە پێویستە كاری بۆ بكەین.

 

بابەتی هاوپۆل

رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.