عێراق و ئێران نابەختەوەرترین وڵاتانی جیهان

سەنتەری گاڵۆپ لە راپرسیەكدا رایگەیاند، دوو وڵاتی ئێران‌و عێراق لە ریزی نابەختەوەرترین وڵاتانی جیهاندان.

دامەزراوەی گاڵۆپ پاش راپرسیەك كە لە نێوان 138 وڵاتی جیهان لە ساڵی 2013 ئەنجامیدا ئاماژە بەوەدەكات، خەڵكی عێراق نابەختەوەرترین خەڵكی جیهانن‌و پاش ئەوە ئێران لە پلەی دووهەمی نابەختەوەرترین وڵاتانی جیهان راوەستاوە‌و دواتریش میسر‌و یونان‌و سوریا.

راپرسیەكەی دامەزراوەی گاڵۆپ لە بابەت پرسی بەختەوەری‌و نابەختەوەریدا چەندین هۆكاری وەك بێكاری، هەڵاوسان‌و ئابڵۆقە جیهانیەكان‌و دڵەڕاوكێ لە نێو خەڵكی وڵاتان بە فاكتەری گرینگ بۆ رادەی بەختەوەری‌و نابەختەوەربوونی وڵاتان دەزانێت.